"No eggs here! Oh dear!". Así din os animais e o neno que vai pola granxa intentando atpar ovos. Este conto escoitámolo varias veces en EI (incluso algúns dos nosos padriños viñeron contárnolo) ata que xa o sabemos de memoria. Por iso levamos este pequeno agasallo. Nel aparecen códigos QR que enlazan coa nosa versión do conto, o vídeo de Diana, Leonor e Carla así coma o de Ainhoa, Miguel e Alba. Tamén levamos o libro por turnos, para contar o conto nós directamente ás nosas familias.  

Tres alumnas de sexto de primaria contaron, en inglés, o conto "Oh Dear!" de Rod Campbell na aula de 5º EI. Conseguiron que a súa audiencia estivera moi atenta. Despois practicaron con eles os nomes dos animais do conto e xogaron un "memory" con tarxetas de debuxos da historia. Un momento moi productivo e divertido para todos!

O alumnado de 4º de primaria representou na clase un diálogo, preparado por eles, a partires dun modelo sobre o que traballaron antes, ambientado na consulta dun doutor.

Ata algúns conseguiron que lles prescribiran descanso sen ir ao cole!!!

Dúas alumnas e un alumno de sexto de primaria ofrecéronse para contar unha historia en inglés ao alumnado de 5º de E. I. Primeiramente a profesora escolleu un conto orixinal en inglés e adaptouse para o nivel de 5º de E.I. Os tres voluntarios prepararon na casa e en momentos libres a posta en escea e aprenderon os seus textos. Practicaron durante o descanso despois de comer e cando chegou o almunado de EI á aula atopáronse coa sorpresa. 

Nesta actividade os máis pequenos disfrutan e aprenden cos maiores pero estes aprenden aínda máis grazas aos cativos pois teñen que memorizar a súa parte, interpretala, traballar a entoación, pronuncia, léxico e estruturas, fluidez e ,o que é máis importante, enfrontarse a un público.

Verdadeiramente foi unha experiencia xenial cun comportamento exemplar, tanto por parte dos contacontos coma da audiencia. Seguro que imos repetir pois xa hai outros 11 voluntarios á espera.

Soft Peach Green And Orange Illustration Fun Facts About India Infographic de Isabel Pérez García

O alumnado de sexto de primaria aprendeu máis cousas sobre a India da man da nosa auxiliar de conversa. Esta vez falamos de récords de todo tipo: a montaña máis alta, a cidade máis antiga, etc. Isto tamén lles axudou a usar os superlativos e unha grande cantidade de palabras e estruturas relacionadas coa xeografía.

Ao final da sesión escribiron en pequenos grupos o que recordaban da presentación.

Utilizamos toda esta información para xogar a Snakes and Ladders nos grupos interactivos a seguine semana.

Aquí vemos o que saiu despois de xuntar todas as aportacións. Preme para ver as dúas páxinas.