Centro plurilingüe e auxiliar de conversa
OH DEAR!
Tres alumnas de sexto de primaria contaron, en inglés, o conto "Oh Dear!" de Rod Campbell na aula de 5º EI. Conseguiron que a súa audiencia estivera moi atenta. Despois practicaron con eles os nomes dos animais do conto e xogaron un "memory" con tarxetas de debuxos da historia. Un momento moi productivo e divertido para todos!
LET'S GO TO THE DOCTOR'S: IMOS Ó MÉDICO
O alumnado de 4º de primaria representou na clase un diálogo, preparado por eles, a partires dun modelo sobre o que traballaron antes, ambientado na consulta dun doutor.
Ata algúns conseguiron que lles prescribiran descanso sen ir ao cole!!!
MONKEY PUZZLE
Dúas alumnas e un alumno de sexto de primaria ofrecéronse para contar unha historia en inglés ao alumnado de 5º de E. I. Primeiramente a profesora escolleu un conto orixinal en inglés e adaptouse para o nivel de 5º de E.I. Os tres voluntarios prepararon na casa e en momentos libres a posta en escea e aprenderon os seus textos. Practicaron durante o descanso despois de comer e cando chegou o almunado de EI á aula atopáronse coa sorpresa.
Nesta actividade os máis pequenos disfrutan e aprenden cos maiores pero estes aprenden aínda máis grazas aos cativos pois teñen que memorizar a súa parte, interpretala, traballar a entoación, pronuncia, léxico e estruturas, fluidez e ,o que é máis importante, enfrontarse a un público.
Verdadeiramente foi unha experiencia xenial cun comportamento exemplar, tanto por parte dos contacontos coma da audiencia. Seguro que imos repetir pois xa hai outros 11 voluntarios á espera.
INDIAN RECORDS
Soft Peach Green And Orange Illustration Fun Facts About India Infographic de Isabel Pérez García
O alumnado de sexto de primaria aprendeu máis cousas sobre a India da man da nosa auxiliar de conversa. Esta vez falamos de récords de todo tipo: a montaña máis alta, a cidade máis antiga, etc. Isto tamén lles axudou a usar os superlativos e unha grande cantidade de palabras e estruturas relacionadas coa xeografía.
Ao final da sesión escribiron en pequenos grupos o que recordaban da presentación.
Utilizamos toda esta información para xogar a Snakes and Ladders nos grupos interactivos a seguine semana.
Aquí vemos o que saiu despois de xuntar todas as aportacións. Preme para ver as dúas páxinas.
ON THE PHONE
O alumnado de 3º de primaria realizou unha serie de actividades dentro do proxecto "On the phone". O obxectivo era chegar a manter unha conversa cun compañeiro oara convidalo a ir a algún sitio.
O proceso foi o seguinte:
- Elaborar o teléfono seguindo as instrucións da auxiliar de conversa.
- Elaborar a lista dos números de teléfono dos compañeiros (Telephone Directory) preguntando a cada un e anotando na táboa.
- Practicar unha conversa sinxela oralmente marcando oralmente antes o número da persoa á que se quere chamar.
- Utilizar a conversa escrita para practicar lectura e as estruturas traballadas.
O alumnado implicouse moito nesta actividade, chegando incluso a improvisar con eficacia partes da conversa. Escoitáronse comentarios como: "Este parece o teléfono de miña avoa!” Pero a pregunta que xurdía sempre era... "Cando podemos levar o teléfono para a casa?"