biblioteca

Hoxe foi un día de moito movemento e alegría no noso cole!

O alumnado de Infantil foi visitar o GES de Muros dentro do seu proxecto de "A Patrulla Canina". Temos que agradecerlle ao persoal do GES a súa atención. Fixeron disfrutar aos nenos/as moitísimo coa visita. Como vos podedes imaxinar quedaron impresionados co coche de bombeiros e xa están desexando volver.

Por outra banda, o alumnado de 1º e 2º ciclo tiveron a visita de Toupiciencia "A Xanela do Maxín" onde falaron e experimentaron sobre ciencia con moito humor, ao tempo que o pasaron xenial.

Grazas á colaboración de toda a comunidade educativa, entre todos e todas conseguimos xuntar esta modesta cantidade, que enviamos con todo o noso cariño e enormes desexos de que remate por fin este conflicto.

A Real Academia Galega xa ten en marcha a nova edición de Primavera das Letras, dedicada a Florencio Delgado Gurriarán, protagonista do Día das Letras Galegas 2022. Na páxina web deste proxecto dirixido ao público infantil, primaveradasletras.gal, pode descargarse a biografía do autor escrita por Ledicia Costas e ilustrada por Blanca Millán.

O espazo irase enriquecendo con novas actividades interactivas, fichas para colorear e outros recursos arredor do universo vital e literario de Delgado Gurriarán, concibidos para abordar cos nenos e nenas tanto contidos lingüísticos e literarios como outros transversais.

Aquí vos deixamos unhas fotografías da concentración pola paz de hoxe. Como ben dicían María e Simón no manifesto pola paz que nos leron: " os nenos e nenas do mundo temos dereito a vivir en paz". Agardamos que este desexo pronto se faga realidade.

#nonáguerracontraainfancia

"Abride esa fiestra que quero ver o mar" foron as derradeiras palabras de Rosalía ás que nós, neste día da poesía 2022, quixemos homenaxear. En todas as aulas decoramos esas fiestras e fixemos un concurso. Mirade que bonitas quedaron!

Ao mesmo tempo o alumnado voluntario de 5º e 6º pasou polas aulas dos máis pequenos/as a recirtarlles os seus poemas preferidos.