Este curso Abrimos o pano, o proxecto documental integrado (PDI) promovido e coordinado pola Biblioteca Brea Segade trata sobre o teatro. Comezamos ambientándonos e dando os primeiros pasos do proxecto. 

Hoxe representamos na horta as obras de títeres que inventamos en grupo usando os personaxes que creamos no obradoiro de monicreques con Electra. Tres obras moi diferentes, pero moi divertidas as tres. Bravo, titiriteiros e titiriteiras!

Moito teatro é o que hai en Quinto! Rematamos o trimestre representando breves obras de teatro inventadas e nas que o reto era usar correctamente "as nosas palabras"  

Hai madeira de actores, actrices e dramaturgos/as en Quinto!

Chegou o momento de ir ao teatro, no Auditorio Abanca. Estaba cheo, coincidimos con outros coles que tamén traballaran a obras nas clases e coma nós coñecían a historia, as cancións, os diálogos principais... E ao rematar fomos a andar ata a Alameda, onde xantamos descansamos e xogamos nun parque impresionante. 

Este luns estivemos en Santiago. Fomos ver unha obra de teatro en inglés, Trouble in the jungle, representada pola compañía Face to Face. Aproveitamos para pasar o día por Compostela e facer varias visitas. Comezamos o día visitando cunha guía as prazas que rodean a catedral. 

Hoxe no recreo os compañeiros e compañeiras de Proxecto Competencial representaron na biblioteca o seu traballo das últimas semanas, unha obra de teatro escrita e interpretada por eles. Misterio no Nadal é a súa primeira creación teatral colectiva. Foi xenial! 

Segunda sesión do obradoiro de títeres con Electra: case, case rematamos as cabezas dos nosos monecos. Están quedando xenial, hai personaxes ben xeitosos!

A asociación Barriga Verde: Morreu o demo está a desenvolver un proxecto chamado Da Barraca á aula, co que pretenden achegar os títeres aos centros de ensino. No Brea xa levamos participando no porxecto varios cursos e este ano, quinto e sexto imos participar nun obradoiro de construción de títeres con cartón pedra. Comezamos venres e xa se empezan a ver cabezas de personaxes que seguro que terán boas historias que contar.

O luns o grupo de Proxecto Competencial representou na biblioteca a obra de teatro Indo para o Samaín. Fixérono moi ben. Entrade no blog da BBS para ver a reportaxe completa.