O mércores pasado Quinto e Sexto visitamos o Pazo de Goiáns en Boiro guiados polo alumnado e profesorado do Obradoiro de Emprego Medioambiental. Boa parte da visita consistiu na descuberta do espazo exterior do pazo, xardín, bosque, porto... que ten unha enorme riqueza medioambiental, con varias árbores senlleiras e especies difíciles de atopar noutros lugares. Tamén visitamos o interior do Pazo e a súa torre.

Este mércores estivemos de excursión na Coruña. Fomos visitar A Casa dos Peixes, ao Domus e a Casa das Ciencias. Foiche un día ben completo!. Pasámolo moi ben e aprendemos un montón de cousas, interactuando cos recursos dos museos científicos de A Coruña. Quedamos con ganas de volver!

Chegou o momento de ir ao teatro, no Auditorio Abanca. Estaba cheo, coincidimos con outros coles que tamén traballaran a obras nas clases e coma nós coñecían a historia, as cancións, os diálogos principais... E ao rematar fomos a andar ata a Alameda, onde xantamos descansamos e xogamos nun parque impresionante. 

Este luns estivemos en Santiago. Fomos ver unha obra de teatro en inglés, Trouble in the jungle, representada pola compañía Face to Face. Aproveitamos para pasar o día por Compostela e facer varias visitas. Comezamos o día visitando cunha guía as prazas que rodean a catedral. 

Pola tarde visitamos a exposición This is Pop, na sala A Fundación, da obra social de Abanca. Primeiro descubrimos as principais características do Pop Art e despois participamos nun obradoiro de programación coa placa microbit, para entender como se crean algunhas das montaxes de pop art máis modernas. 

Ao rematar a visita na Xunta a chuvia parou un pouquiño e puidemos baixar a andar ata Área Central, onde comemos e descansamos. 

A nosa segunda parada foi a Xunta de Galicia, sede do poder executivo. Alí  visitamos entre outras dependencias as salas de xuntanza dos/as secretarios xerais das Consellerías e a sala de xuntas do Consello de Goberno, onde nos explicaron as funcións das diferentes Consellerías. 

Este mércores fixemos unha saída a Santiago de Compostela, onde visitamos dúas institucións e un museo. Comezamos coa visita ao Parlamento de Galicia, onde descubrimos cales son as súas funcións, quen son os seus membros e cales son as dependencias e a historia do edificio no que se atopa.