Leitugas e pirixel foi o que plantamos no bancal que compartimos con Sexto. Agora toca regar, manter en bo estado e... ver de preparar unha boa ensalada antes de que remate o curso 

Continuamos compartindo presentacións sobre temas que nos interesan. Desta vez falástesnos de cantantes, xogadores de fútbol e series de animación. Seguimos aprendendo e comprobando que vos manexades moi ben con Libre Office Impress. 

En Castelán estamos elaborando presentacións sobre temas que nos interesan e aproveitamos para aprender novas funcionalidades do programa Libre Office Impress, por exemplo as animacións. Xa comezaron as exposicións, que se notan máis "profesionais" e que tratan de temas moi variados: mascotas, deportes, xoguetes... Comezamos aprendendo sobre Lamine Yamal, Barbie, Remo, o can de Daniela e voleibol. 

Hoxe Sofía falounos do seu país, Arxentina. Preparou unha presentación moi chula para compartir con nós moita información interesante sobre Arxentina. Encantounos! Grazas, Sofía!

E falando de animais invertebrados, Sabela tróuxonos un anaco de coral natural que tiña na clase para que puideramos velo e tocalo. Grazas, Sabela!

Rematamos coas exposicións das presentacións sobre invertebrados. Moi bos traballos todos e moi boas exposicións. Parabéns 5º!

Seguimos aprendendo sobre os invertebrados coas exposicións das presentacións que elaboramos antes de Entroido. Aínda quedan algunhas por compartir. 

Este Entroido todo o cole disfrazouse de estilos musicais e a clase de Quinto fomos de Hip Hop. Estivemos escoitando temas de hip hop, coñecendo grupos, revisando a estética dos hip hopeiros para preparar os nosos disfraces e elaborando algún accesorio.  Deixamos case todo listo o xoves, aínda que a volta do Entroido remataremos un proxecto de Hip Hop que temos a medias. Seguiremos informando...

Toribio deixouno claro, e unha vez no cole tiñamos traballo que facer... en pixama. 

Continuamos coas presentacións dos invertebrados, que seguen a ser estupendas, ben elaboradas e ben presentadas. 

Comezaron as exposicións dos traballos sobre invertebrados que estivemos facendo en Naturais. Dá gusto ver os traballos e escoitar as presentacións. Moi ben!