Nesta semana de celebracións no cole, Sexto foi o encargado de elaborar o mural do magosto, co que se ambientou o mércores o reparto de castañas e os xogos populares. Así de chulo quedou!

Este Entroido todo o cole disfrazouse de estilos musicais e a clase de Quinto fomos de Hip Hop. Estivemos escoitando temas de hip hop, coñecendo grupos, revisando a estética dos hip hopeiros para preparar os nosos disfraces e elaborando algún accesorio.  Deixamos case todo listo o xoves, aínda que a volta do Entroido remataremos un proxecto de Hip Hop que temos a medias. Seguiremos informando...

No cole estamos participando nunha campaña organizada pola asociación Ondiñas Mainas e o concello de Rianxo para facer chegar postais de Nadal  aos maoires das residencias e centros de día da comarca. 

Segunda sesión do obradoiro de títeres con Electra: case, case rematamos as cabezas dos nosos monecos. Están quedando xenial, hai personaxes ben xeitosos!

A asociación Barriga Verde: Morreu o demo está a desenvolver un proxecto chamado Da Barraca á aula, co que pretenden achegar os títeres aos centros de ensino. No Brea xa levamos participando no porxecto varios cursos e este ano, quinto e sexto imos participar nun obradoiro de construción de títeres con cartón pedra. Comezamos venres e xa se empezan a ver cabezas de personaxes que seguro que terán boas historias que contar.

Comezamos a decorar o cole para celebrar o Samaín que xa está a chegar. En Quinto puxémonos mans a obra. Continuará...

En Plástica comezamos traballando sobre a cor, diferenciando cores quentes e cores frías. Empezamos a ter as primeiras creacións comparando cores.