Aquí están as primeiras presentacións elaboradas este curso, sobre algunhas das escritoras propostas pola BBS no Día das escritoras 2023. Bo traballo, 5º!

PRESENTACIÓNS

Esta semana comezamos tomar leite na merenda do recreo. É un proxecto sobre alimentación saudable no que entrou o colexio este curso. Unha cunca de leite coa merenda, quen quere botándolle un pouco de Cola Cao, está sabendo a gloria!

Estas últimas semanas estivemos aprendendo a usar o programa Libre Office Impress para facer presentacións. Traballamos en parellas e elaboramos presentacións sobre algunhas das escritoras que están expostas na entrada da biblioteca. Xa comezamos a expoñer as presentacións. Están moi ben! Vese que lle fomos collendo o punto ao Impress. Continuará...!

Rematamos os traballos sobre os planetas e fixemos as presentacións para o resto dos compañeiros/as. Foi un bo traballo de investigación e posta en común. 

A segunda sorpresa e agasallo do venres déunolo Roi Fernández, que trouxo o seu acordeón a clase. Foi sorpresa saber que tocaba o acordeón e que levaba xa uns anos aprendendo e tocando. O agasallo foi escoitalo falar sobre o instrumento e sobre como está aprendendo a tocalo e, sobre todo, escoitalo tocar as pezas que preparou para nós. Ata bailamos un valse! 

Continuamos traballando a gramática en galego co método Sintaxe. Seguimos repasando e asegurando o que xa sabiamos sobrea as clases gramaticais e descubrindo novos recursos do método, como a páxina web, que nos gusta moito .

En Inglés 5º está traballando sobre as cidades e unha das tarefas propostas foi crear un mural ou unha maqueta na que se incorporara o vocabulario traballado. Aquí tedes unha mostra da creatividade e o bo traballo que se está a facer na clase. Moi ben!

Este curso 5º e 6º entramos no proxecto A voz na escola do xornal La Voz de Galicia, por iso recibimos 10 xornais cada mércores, cos que traballamos ao longo da semana en diferentes actividades e materias, ata en Plástica. Estanos a dar moito xogo, e sempre que podemos traballamos as linguas cos xornais. 

A BBS encargounos a todo o alumnado do cole que elaboraramos un deseño que fora a imaxe do proxecto da biblioteca para este curso: a música e a danza. E puxémonos mans á obra. Están saído moi boas ideas e logos ben bonitos. 

Despois de 10 días observando o iogur destapado e vendo como medraba e medraba o mofo, abrimos o que estivera tapado. Para a nosa sorpresa, e contradicindo todas as nosas hipóteses, non tiña balor, pese a levar máis de 20 días caducado e arrecendía a iogur natural normal.