O venres conmemoramos no colexio o 25N, Día Internacional da Eliminación da Violencia contra a Muller. Despois de diferentes actividades ao longo da semana, xuntámonos tod@s na biblioteca para escoitar a canción gravada por un grupo de nais, ler un manifesto e compoñer entre todas as clases un mural contra o silencio e a prol dos dereitos e o respecto ás mulleres. 

Non á violencia contra as mulleres!

A segunda sorpresa e agasallo do venres déunolo Roi Fernández, que trouxo o seu acordeón a clase. Foi sorpresa saber que tocaba o acordeón e que levaba xa uns anos aprendendo e tocando. O agasallo foi escoitalo falar sobre o instrumento e sobre como está aprendendo a tocalo e, sobre todo, escoitalo tocar as pezas que preparou para nós. Ata bailamos un valse! 

O martes xa tiñamos todos os logotipos para o proxecto da BBS así que aproveitabamos a sesión semanal de biblioteca para escoller os 3 deseños que nos representarán na votación xeral. Foi complicado escoller, había logotipos moi bos. 

Para a semana veremos os de todas as clases. 

A BBS encargounos a todo o alumnado do cole que elaboraramos un deseño que fora a imaxe do proxecto da biblioteca para este curso: a música e a danza. E puxémonos mans á obra. Están saído moi boas ideas e logos ben bonitos.