Hai xa uns días que lle dimos a benvida á primavera, e con ela empezamos a ver os cambios da nosa contorna... Observamos que aquelas árbores que perderan as follas no outono e no inverno están comezando a ter algunhas follas e nalgúns casos tamén flores, o campiño da nosa escola empeza a encherse de margaritas, e as mañás de sol permitennos de cando en vez sair a xogar fora, pintar co xiz ou gozar do noso parque!
Pero antes de pechar a tempada de frío, deixamos por aquí algunha lembranza dalgúns intres que nos deixou o inverno. Todo comezou á volta do Nadal cando atopamos que o tobogán do noso parque tiña XEO! Falamos sobre o que acontecera, tocamos o xeo, rascamos cos dedos, o collimos nas mans e vimos como se convertía en auga!
O inverno chegaba e o frío parecía que tamén... Pero, que pasaba? Todos/as coincidíamos no mesmo, era inverno, no inverno fai frío, hai que poñer a chaqueta e...NEVA!
Agardamos uns días a ver se nevaba na escola pero por moito que o desexamos o máximo que conseguimos foi o xeo das mañás no tobogán... Non podiamos esperar máis así que decidimos facer algún que outro experimento para conseguir a ansiada neve...
O primeiro experimento foi con escuma de afeitar, remangamos os mandilóns e tocamos, manipulamos, xogamos, e engadimoslle cores, AZUL... e misturamos... e se agora lle engadimos verde?... e misturamos, e que pasaría se lle poñemos vermello?... deste xeito vimos como partindo duns cores formabamos outros e outros...
Amasamos, fixemos grafías, debuxos, escribimos letras, nomes...
Como é lóxico despois do experimento, chegaba a avaliación e con ela as primeiras críticas: "coa neve de verdade podemos facer bolas, pero con esta non..." Non nos quedaba doutra que seguir experimentando!!!
Nesta ocasión probamos co bicarbonato e auga, seriamos capaces nesta ocasión de facer neve?
Conseguido! Este experimento si que funcionou!!!!
Nos dous experimentos rematamos como se pasásemos toda a mañá na neve, e como non, acabamos cos mandilóns enchoupados!
Tamén traballamos a ARTE partindo das cores frías, e nesta ocasión fixemos pinceis con materiais de reciclaxe: rolos de papel hixiénico, unha bola de periódico na punta e... A ESTAMPARRRRR!!!
Tanto misturamos e estampamos que nalgún caso o papel quedounos moi pequeno...
Pero nada que non solucione... "Un pouco de auga, un pouco de xabón, e frota, frota, di a canción"!!!!!
