O alumnado do centro participou nunha actividade de deporte inclusivo dentro das actividades realizadas no Día do Discapacitado celebrado o día 3 de decembro.
O alumnado de 3ºA estivemos traballando a roda dos alimentos, aprendemos moito, divertímonos, reflexionamos e sacamos moitas conclusións. Agora somos todos uns expertos!!!
Fixemos un pequeno experimento: a capilaridade nas plantas.
A capilaridade é a propiedade que teñen os líquidos para ascender a través dun tubo delgado contra a forza da gravidade. Esta propiedade aproveitana as plantas para transportar a auga e as sales minerais.
O que fixemos para demostrar este fenómeno físico foi o seguinte: Primeiro botamos un pouco de auga nun recipiente e engadímoslle colorante alimentario de cor azul (que é o que mellor tinxe).
A continuación introducimos un caravel de cor branco dentro do recipiente. Ao pouco tempo, observamos que a flor estaba cambiando de cor; Finalmente acabou poñéndose totalmente azul!!!
Tamén utilizamos margaritas brancas. Con este tipo de flor, o experimento tardou algo máis en funcionar.
