Durante o curso 2017/2018, no noso centro CEIP PARADAI, participaremos no Plan Proxecta Etnografía e Medio Ambiente en Lugo, baseándonos no Proxecto didáctico Antonio Fraguas.
¿ Qué é Plan Proxecta?
É unha iniciativa da Consellería de Cultura, Educación e Ordenación Universitaria, en colaboración con diferentes organismos, dirixida a fomentar a innovación educativa nos Centros.
O Proxecto didáctico Antonio Fraguas, desenrólase no ámbito de normalización lingüística e patrimonio, e a súa definición, é fomentar a investigación sobre o patrimonio etnográfico, antropolóxico, lingüístico, xeográfico, histórico e artístico do contorno do centro CEIP PARADAI.
Ditos traballos están orientados á educación patrimonial, ao coñecemento da lingua e do medio e á valorización dos máis diversos elementos do noso acervo cultural.
O programa desenvolverase ao longo de todo o curso e estarán implicados todos os alumnos e alumnas dende 4º de Infantil ata 6º de Primaria.
O material é realizado integramente polos rapaces e rapazas, a través de proxectos de investigación.
Con base a todo isto, nace a idea de chamar ao noso proxecto "ABRIMOS AS PORTAS AO NOSO", donde os alumnos investigan toda a provincia de Lugo ó longo do curso
Empezaremos dicindo que este proxecto abrangue moitas áreas do currículo: Sociais (situación xeográfica das bisbarras correspondentes e a súa historia), Plástica, Lingua (expresión fundamentalmente escrita) mais tamén contribúe a dinamizar e a normalizar a Lingua Galega no eido do ensino urbano así como as TIC.
Unha vez organizado o traballo por trimestres e distribuídas en dez áreas delimitadas:
- ULLOA
- COUREL/ANCARES
- TERRA CHÁ
- FONSAGRADA
- RIBEIRA SACRA
- LUGO E CONTORNO
- MARIÑA
- LUGO
- GUITIRIZ
- SARRIA
De cada área, estudiarase os seguintes apartados:
- Feiras.
- Orixes.
- Lendas e refráns.
- Oficios e tradicións.
Debido á dificultade, o alumnado de educación infantil traballou todo o curso OFICIOS E TRADICIÓNS.
