Un saúdo a toda a comunidade educativa.
O profesorado e persoal do Ramón Otero Pedrayo dalles, un ano máis, a benvida ao novo curso.
O día 11 empeza oficialmente o curso para todo o alumnado. Os pais do alumnado de E. Infantil xa teñen unha reunión coas titoras dos seus fillos/as os seguintes dias:
- 3 ANOS: VENRES 6 ás 12:00 no edificio novo de infantil.
- 4 ANOS: LUNS 9 ás 11:00 no edificio novo de infantil.
- 5 ANOS : LUNS 9 ás 16:30 no edificio novo de infantil.
(Prégase acudir sen nenos/as)
PERIODO DE ADAPTACION PARA ALUMNADO DE 3 ANOS: do 11 ao 24 de Setembro, ambos inclusive. Durante este período o alumnado de 3 anos non fará uso do transporte escolar nin do comedor.
O día 11 empeza o curso. Para o alumnado de primaria lembrar dúas cousiñas para axilizar o proceso.
Os alumnos que vaian para 1º - 2º - 3º farán as filas no pavillón, dentro, nos lugares sinalados con carteis para cada curso. Alí serán recibidos polas súas titoras para subir ás aulas.
Os alumnos que vaian para 4º - 5º - 6º farán as filas nas portas traseiras de entrada ao edificio de primaria. Alí serán recibidos polas súas titoras para subir ás aulas.
Lembrarlle aos pais ou acompañantes do alumnado que haberá unha zona marcada a que non deben pasar os pais, só os alumnos que van ás filas.
Unha vez que entren todos os nenos e estean sentados nas aulas, chamaranse aos pais , que acompañados dun mestre, poderán levar os libros ou material ás aulas que lle correspondan aos alumnos
Un saúdo