FOLGA 8 MARZO
INFORMACION DA SECRETARIA XERAL DE EDUCACIÓN
Como vostedes saben, mañá está convocada unha folga de carácter xeral con ocasión da celebración do día da muller traballadora.
Esta folga pode ter incidencia no sector educativo e concretamente na prestación dos recursos educativos complementarios de transporte escolar e comedor escola
Neste sentido, o Decreto 26/2018, do 1 de marzo, polo que se ditan normas para garantir os servizos esenciais durante a folga convocada para o día 8 de marzo de 2018, establece o seguinte:
“Nos servizos regulares de uso especial para transporte de escolares:
Manteranse como esenciais os servizos de entrada aos centros desde ás 7.30 ata as 10.30 horas e os de saída desde das 13.30 ás 19.00 horas nos itinerarios de transporte escolar de estudantes de niveis de ensino obrigatorio, cuxa lonxitude total sexa superior a 4 km.
Para os servizos de transporte a alumnado de centros de educación especial considéranse esenciais todos os itinerarios existentes nos horarios habituais.”
En canto ao comedor escolar, o citado decreto determina o seguinte:
“Nos centros docentes non universitarios de titularidade pública:
Unha persoa de cociña nos centros ordinarios con comedor escolar de xestión directa. Un encargado do cátering en cada un dos comedores de xestión indirecta.
1 auxiliar coidador/a en cada centro educativo que non sexa centro de educación especial e que neste curso teña asignado persoal desa categoría.”
Para acadar a máxima difusión posible, na páxina web da nosa Consellería explícase o antedito.
Por outra parte, a aplicación “transporte escolar” subministra o quilometraxe das distintas rutas, que servirá para determinar as afectadas por servizos mínimos, no apartado 4-informes, subapartado 4.1-servizos, mediante a obtención do informe TR002-estadístico de alumnado por parada.