Contido popular
Título | Resumo |
---|---|
Coplas do magosto |
O alumnado de 3º, 4º e 5º de Ed. Primaria traballou a lírica nos primeiros días de novembro coa realización de varias coplas sobre temas que consideraron de interese en relación á celebración do magosto. AS COPLAS DE TERCEIRO
AS COPLAS DE 4º DE ED. PRIMARIA AS COPLAS DE 5º DE ED. PRIMARIA
|
O Libro de cores xa está en marcha |
O Libro de cores xa está en marcha...anímate a participar... Estás a tempo!! Podes achegar as túas creacións mentres dure o estado de alarma |
Pasea pola túa cidade! |
O pasado 1 de xuño, os alumnos de Educación Infantil participaron na actividade "Pasea pola túa cidade", organizada pola Concellería de Educación de Ourense. Ao longo dun percorrido de aproximadamente unha hora e media, os nenos e nenas, acompañados polos seus guías, exploraron varias zonas emblemáticas de Ourense. Entre os lugares visitados estiveron As Burgas, a Praza Maior e o exterior da Catedral. Durante o paseo, os pequenos descubriron a historia da cidade a través de contos. Esta actividade ten como obxectivos principais:
Podedes ver o ben que o pasamos na galería de imaxes! |
Formación de usuarios na biblioteca |
A formación de usuarios estivo presente ao longo de todo o curso, sobre todo as actividades referentes ao alumnado. Cada titor encargouse de realizar esta tarefa co seu alumnado ao longo do curso con indicacións puntuais ou en sesións programadas de formación. Con alumnado de Ed. Infantil traballáronse os seguintes obxectivos ao longo do curso:
Para conseguilo, realizamos as seguintes actividades:
A valoración das actividades da biblioteca son positivas xa lles encanta estar nela e séntense maiores buscando libros. O alumnado dos primeiros cursos de Ed. Primaria, xunto cos seus titores, adicaron un tempo a seguir coñecendo a biblioteca, os usos e normas máis básicos que nela rexen . Así puideron acadar os seguintes obxectivos:
Realizaron as seguintes actividades:
En 3º e 4º de Ed. Primaria os obxectivos perseguidos foron os seguintes:
ACTIVIDADES
A formación de usuarios, en 5º e 6º de Ed. Primaria, estivo presente ao longo de todo o curso, sobre todo as actividades referentes ao alumnado. Cada titor se encargou de realizar esta tarefa co seu alumnado ao longo do curso con indicacións puntuais ou en sesións programadas de formación realizando as seguintes actividades:
|
Construíndo veleiros |
Embarcándose no coñecemento: o alumnado de 5º crea veleiros. Nunha emocionante actividade, chea de creatividade e aprendizaxe, o alumnado de 5º de Ed. Infantil embarcouse nunha experiencia única construíndo pequenos veleiros con gomaeva. Deseñada para estimular a imaxinación e a aprendizaxe práctica, esta actividade non só foi divertida, senón que tamén contribuíu ao desenvolvemento de habilidades críticas. A actividade, realizada no marco do currículo centrado nos Obxectivos de Desenvolvemento Sostible (ODS), concretamente o ODS 14 que aborda a vida submarina, tivo como principal obxectivo fomentar a experimentación e o xogo simbólico entre o alumnado. Os ilusionados nenos e nenas mergulláronse na tarefa de deseñar e construír os seus propios veleiros mediante a gomaeva, un material versátil que permitiu a libre expresión da súa creatividade. Durante o proceso, os nenos e nenas, ademais de desenvolveron a motricidade fina, tamén se viron inmersos nun espazo de xogo colaborativo e enriquecedor. A actividade non só se limitou á creatividade e á destreza manual, senón que tivo un enfoque holístico. Completamos a actividade coa incorporación á práctica de exercicios de respiración consciente, mentres os nenos e nenas traballaban nos seus veleiros. Esta técnica contribuíu ao seu benestar emocional e asemade, puxo de manifesto a importancia da conexión mente-corpo. Encántanos ver como o alumnado se mergulla literalmente na aprendizaxe. A actividade de construción de veleiros foi unha experiencia moi divertida coa que traballamos no noso PDI os Obxectivos de Desenvolvemento Sostible. Estamos a cultivar non só o coñecemento, senón tamén a cidadáns conscientes e comprometidos co mundo que os rodea". A xornada culminou cunha pequena exposición onde presentaron as súas creacións, compartiron ideas sobre a vida submarina e reflexionaron sobre a importancia de coidar os nosos océanos e mares. A actividade de fabricación de veleiros deixou unha impresión duradeira no corazón dos nenos e demostrou como a educación pode ser unha experiencia inmersiva e significativa. No CEIP Manuel Sueiro seguimos navegando cara un futuro educativo sostible e enriquecedor para o noso alumnado. |
Malala, premio Nobel da Paz 2014 |
Esta xoven defensora do dereiro á educación da muller foi galardonada co Nobel da Paz 2014 “pola súa loita contra a opresión dos nenos y polo dereito de todos eles á educación” Malala Yousafzai. CC BY 2.0 DFID-UK en Flickr |
Rita e os ladróns de tumbas |
O Club de Lectura de 4º de EP do CEIP Manuel Sueiro realizou no mes de novembro un concurso de animación á Lectura inspirado no libro "Rita e os ladróns de tumbas" de Mikel Valverde. Nunha innovadora iniciativa de animación á lectura entre o alumnado, o Club de Lectura do CEIP Manuel Sueiro convocou un apaixonante concurso de lectura baseado no libro "Rita e os ladróns de sepulturas", no que participou todo o alumnado de 4º de EP, co fin espertar a creatividade e a paixón polos libros. O libro cativou aos nenos e ás nenas participantes do club de lectura, e agora buscan estender o seu entusiasmo a toda a comunidade escolar. A obra, escrita Mikel Valverde, transporta aos lectores a unha emocionante aventura chea de misterios, amizade e valentía. Durante a realización do concurso, animouse aos lectores a expresar a súa comprensión e valoración do libro. O concurso ofreceu ao equipo gañador interesantes premios, entre os que figuraba un exemplar do próximo libro a traballar no club dde lectura, para fomentar a participación e recoñecer o seu esforzo. Estamos entusiasmados de ver como o alumnado interpretou e representou a historia de 'Rita e os ladróns de tumbas'. Queremos que este concurso non só fomente a lectura, senón que tamén estimule a creatividade e a expresión artística do noso alumnado. |
O fafarrún |
O alumnado de 1º curso de Ed. Primaria estivo traballando na "Hora de ler" o poema de Gloria Sánchez titulado "O fafarrún", dentro do PDI, que neste curso se está a desenvolver no centro, titulado "Mergúllate nun mar de números" e en relación á temática central que se propón desde a Asesoria de Bibliotecas aos centros do PLAMBE: "Biblioteca escolar... matemático". Para ilustrar o poema, o alumnado utilizou imaxes de números da web www.escuelaenlanube.com que decorou segundo a súa imaxinación. Esperamos que o resultado final sexa do voso agrado... Imaxes en pdf para traballar o poema: |
OBRADOIRO DO DÍA DA PAZ "A PRINCESA LIWAYWAY" |
Os alumnos de 2º de Primaria fixemos un obradoiro do conto "A PRINCESA LIWAYWAY", no que traballamos valores coma aamizade, a colaboración, o respecto, axuda aos demais, o esforzo,... Contamos a historia na clase e entre todos fomos dicindo o que máis nos chamou a atención da mesma; a continuación plasmamos nun mural o final da historia, froito do esforzo e a colaboración dos personaxes do conto e no que se reflicten os valores presentes no mesmo. |
Cóntame un conto: "Coñecendo a ópera" |
Seguindo o proxecto do P.D.I. presentado ao inicio de curso, o alumnado de 3º iniciouse no mundo da ópera. Elaboraron un libriño, xunto cun mural, onde quedou reflectido o traballo, e aprenderon algúns anaquiños da parte coral que cantaron na presentación. Empezando co concepto de ópera, foise debullando de vagariño os distintos pasos que se deben seguir para que unha ópera poida ser representada, tanto a nivel musical como de montaxe teatral, escénico, lumínico, estético,… Ao mesmo tempo coñeceron o nome dalgunhas óperas e aos seus compositores. Aprenderon cales son os elementos da ópera, clases de voces, elementos da orquestra sinfónica. Coñeceron que existen, tamén, compositoras, compositores, directoras e directores modernos e grandes e importantes teatros fermosísimos onde se representan as óperas. Ampliaron o seu léxico nun gran número de palabras que descoñecían relacionadas co mundo da música e da ópera. A ópera traballada foi L’Elisir d’ Amore de Gaetano Donizetti. ¿Por qué esta ópera e non unha inspirada nun conto popular como Hansel e Gretel, por exemplo? Porque o libreto de L’Elixir é doado de comprender, e a música moi accesible para o alumnado, sobre todo na súa parte coral que foi a que máis traballamos. Fomos explicando o argumento ao mesmo tempo que seleccionábamos fragmentos que iamos escoitando, unha e outra vez, en tempos de quince-vinte minutos, que repetía durante varios días, ao mesmo tempo que procuraba deixalos coa intriga de…¿qué pasará despois? Antes de cada audición explicaba o que ían escoitar, tanto no argumento, como na música. Unha vez explicado coas dúbidas resoltas, procedía á audición. O alumnado foi aprendendo a escoitar, a diferenciar as distintas clases de voces solistas tanto femininas como masculinas, o xeito de cantar, a valorar o esforzo e os estudios e a técnica que cómpren para poder cantar así ao mesmo tempo que se actúa. Entusiasmáronse coa historia e coa música, que empezaban a cantaruxar. Isto levoume a intentar que aprenderán algúns fragmentos dos coros e decidín que os cantaran na presentación do P.D.I. No Taller de Filatelia fixemos o traballo sobre a ópera percorrendo diferentes facetas: Teatros, escritores, compositores, instrumentos da orquestra, temática das óperas, directores,… Elaboramos un total de dezaseis follas que neste intre, están a formar parte da exposición JUVENIA en Avilés. O Entroido tivo como tema esta ópera. Todo o grupo disfrazóuse do personaxe clave de L’Elixir que é Dulcamara, o vendedor trapalleiro que vende o “elixir” ao protagonista da historia. Dulcamara decorou a porta da aula durante todo o curso. CONCLUSIÓN: Este traballo, na súa totalidade, resultou altamente enriquecedor para o alumnado. Descubriron, aprenderon e coñeceron aspectos do mundo da ópera, e sobre todo, viron que pode resultar atractiva e fermosa. O feito de cantaren algúns fragmentos da parte coral, entusiasmounos e quedaron felices e convencidos de que a ópera non é fea, nin aburrida. Só hai que saber escoller e aprender a escoitar. |
Mercedes quere ser bombeira |
O alumnado de 2º de Ed. Primaria traballou ao longo do primeiro trimestre o libro titulado "Mercedes quere ser bombeira", como actividade central do PDI da biblioteca, xa que este é un conto para nenos e nenas que deberían ler as persoas adultas. Ensinamos e aprendemos a ser homes e a ser mulleres, a ser iguais e a ser diferentes á vez que transmitimos e configuramos as nosas filias e as nosas fobias. A igualdade entre os xéneros non é só unha postura ética e cívica, senón unha imperiosa necesidade nas nosas vidas e as nosas sociedades, é unha esixencia humana. Hoxe a clase estará dedicada a que cada un conte que quere ser de maior: veterinaria, arquitecto, taxista, xardineiro… bombeira. Mercedes quere ser bombeira. Algúns dos seus compañeiros non ven problema na vocación de Mercedes, pero outros non cren que sexa unha profesión de mulleres. A partir deste intre abrirase un debate na clase no que se apreciará o importante que é a educación recibida polos mozos tanto na escola como na casa. Para trabalar esta temática coeducativa realizamos as seguintes actividades, unha vez rematada a lectura e debate do conto:
|
STACKS OF JOY AT MANUEL SUEIRO |
Como indicamos na programación do PDI, o título é un xogo de palabras no que partindo do título dunha das series da artista, “Stack”, compoñemos o nome do proxecto no que o nome do centro, o traballo da artista e o aspecto lúdico quedan de manifesto. Resúltame ben complicado facer unha evaluación global do proxecto. A sensación persoal é agridoce porque aínda que o traballo que se poido facer foi bo e os nenos/as participantes no proxecto puxeron todas as súas enerxías e ilusións, a situación sanitaria non permitiu rematarlo e parece que todo o proxecto quedou no aire. Aínda así, a parte correspondente ao 1º trimestre quedou completa e o traballo foi excelente. Mantivemos comunicación coa asistente persoal de Annie Morris, Miss Julie durante o 1º trimestre e a artista tivo cumprida información do noso traballo, mostrando a súa conformidade e sorpresa agradable polo traballo desenvolvido polos nenos/as. Este traballo tamén foi o núcleo do PFPP: “Dinamizamos o centro a través da arte”, desenvolvido por cinco mestres do centro que promovía unha metodoloxía de OBSERVACIÓN directa entre alumnos/as e mestres. Así mesmo, fomos seleccionados no proxecto de innovación educativa “Club de Letras” con este proxecto e como contrapunto ao desenvolvido o curso pasado “CEIP Manuel Sueiro, the land of the rising polkadots”. Nos enlaces pódese seguir a evolución do noso PDI.
|
Visita da Apalpadora |
O 20 de decembro, grazas á colaboración e financiación da ANPA Limiar do noso cole, tivemos a sorte de contar coa presenza de A Apalpadora na biblioteca do noso centro. Contoulle ao alumnado o precioso que é o lugar onde habita na serra de Courel, en que consiste o seu traballo de carboeira e como noutros tempos se pasaba fame en moitos lugares de Galicia, de aí que unha das súas costumes sexa a de apalparlle a barriguiña aos nenos e nenas galegas despois do solsticio de inverno para deixarlles unha presa de castañas mentres están a durmir teñan fame ou non teñan. Como fomos moi bos ao longo deste ano, ao remate da súa visita, deixounos uns agasallos para cada un dos nenos e nenas do cole.
|
Diploma pola colección filatélica: "O Camiño de Inverno" | |
Reinterpretando a obra de artistas ourensáns |
Na semana na que se celebra o “día dos museos”, a arte chega ao noso colexio. Os alumnos e alumnas pescudaron información e estudaron a diferentes artistas de Ourense para poder versionar as súas obras. A maioría da información sacámola ligazón: Pintores galegos. Estamos feitos uns xenios, e como non!!! , PASÁMOLO XENIAL!!! |
O Sueiriño: Cada latexo un pensamento |
Durante este curso, 2017-2018, o Sueiriño VII impregnou de arte todos os recantos e actividades do noso cole, co proxecto documenal integrado titulado:"O Sueiriño: cada latexo un pensamento". Seguindo as directrices marcadas pola Asesoría de bibliotecas para este curso, e continuando coa mesma metodoloxía que en anos anteriores, decidimos dedicar o noso PDI ao pensamento. A nosa proposta presentou un proxecto cooperativo de todo o centro, que partindo da biblioteca, implicou ao alumnado por área, curso, etapa, a todos os membros do claustro, e involucrou a membros da comunidade educativa. O traballo realizado por cada curso foi o seguinte:
|
Novo material audiovisual |
Neste curso dotamos a biblioteca con catro postos novos de acceso a internet, polo que se ve aumentado o número de ordenadosres na biblioteca a 14. Asemade, dotamos a dito recanto dunha pantalla e dun proxector. Estas incorporacións foron posibles grazas aos orzamentos complementarios que nos facilitou a Asesoría de bibliotecas destinados a equipamento e material.
|
Vídeo resumo do curso 2019/2020 |
Vídeo resumo das actividades realizadas ao longo do curso 2019/2020. Esperamos que vos guste!! |
Homenaxe a Pura Vázquez |
O 22 de maio participamos na homenaxe a escritora ourensán Pura Vázquez que se celebrou na Ínsua dos poetas de Madarnás en Carballiño. Luís Tosar foi o encargado de presentar ás autoridades alí presentes, entre as que destacaban o Secretario Xeral de Política lingüística, o Presidente da Deputación, o Alcalde do Carballiño, a Xefa Territorial da Consellería de Educación... entre outros. Da presentación das actividades do alumnado encargáronse dúas alumnas do noso centro. O acto deu comezo coa presentación das autoridades, na que todos eles fixeron mención á vida e obra da mestra Pura Vázquez. O noso centro foi o encargado da presentación do acto. Durante as semanas previas á homenaxe, pescudamos información en internet e nos fondos da nosa biblioteca para elaborar un pequeno resumo sobre a súa vida e obra. Dito resumo foi co que explicamos aos presentes no acto a súa vida e obra. O alumnado participante, dos sete colexios da provincia de Ourense alí presentes, realizaron as seguintes actividades:
|
XXIII encontros de teatro escolar de Bande |
O alumnado de 3º e 5º de Ed. Primaria participou, o 15 de maio, nos XXIII Encontros de teatro escolar de Bande que organiza o Concello coa colaboración do CEIP de Xaquín Lorenso e o IES Querquernis. Este ano, representamos a obra titulada "Ondiñas que van e veñen" que nos mesmos elaboramos dentro do proxecto documental integrado que estamos a desenvolver, en 3º de Ed. Primaria, sobre a contaminación da nosa contorna . Esta obra de teatro, sérvenos para reflexionar sobre a contaminación que os humanos estamos causando nas nosas praias e mares. Parabéns para todo o alumnado participante pola súa actuación!! GALERÍA DE IMAXES
|
Concurso de logos para o centro |
Rematado o prazo de presentación de logos para o centro, os membros do xurado tivérono moi difícil para escoller o gañador dada a altísima calidade dos traballos presentados, tanto en calidade como orixinalidade. Desde aquí, queremos agradecer a todos e todas as participantes o seu esforzo e dedicación. Na seguinte galería podedes observalos:
Este será o logo que identificará ao noso centro, a partir de agora: |
Aloha Hawaii |
Se seguistes as nosas andanzas o curso pasado, as messages in the bottles que enviamos ao mundo chegaron moi lonxe. E como o sabemos? Porque recibimos resposta. Unha resposta que chegou desde MOLOKA, “The friendly island”. E ben lonxe que está, en HAWAII! Desde alí, NEHELE e KAILANI escribíronnos unhas mensaxes que nos encheron de ledicia. Tamén enviaron uns libros para coñecer mellor o arquipélago de HAWAII, e uns bonecos que practican o seu deporte favorito, SURF. Pois xa temos o noso proxecto en camiño. Non perdades a nosa estela no mar. |
Festival de Nadal 2017 |
O mércores 20 de novembro relizamos o Festival de Nadal no Salón de Actos do IES As Lagoas. Este ano tivemos unha gran afluencia de familiares e amigos dos nosos estupedos artistas, os cales asistiron para presenciar, en directo, os fabulosos espectáculos que estiveron preparando ao longo deste trimestre. O programa de actuacións foi o seguinte: (Preme para ver os vídeos)
Agradecemos ao Equipo Directivo e ao persoal laboral do IES As Lagoas a colaboración mostrada, cara o noso centro, para que fose posible a realización desta actividade. |
Día mundial de concienciación sobre o autismo |
Hoxe, 2 de abril, celébrase o “Día mundial de concienciación sobre o autismo”, data instaurada pola Asamblea Xeral da ONU para visibilizar a necesidade de que todas as persoas con trastorno do espectro autista (TEA) dispoñan das ferramentas necesarias para exercer os seus dereitos e liberdades fundamentais. Como actividade para conmemorar este día, propoñémosvos que ás familias a iniciativa do equipo ARASAAC participando para realizar muíños de vento para colgar nas vosas fiestras ou balcóns. Animámosvos a facerlle unha foto e a achegala ao correo do cole. Na seguinte ligazón da Confederación de autismo España que mostra a campaña deste ano co lema “Podo aprender. Podo traballar” propóñennos unha bonita iniciativa para realizar hoxe pola noite. Presentación sobre o autismo de Almudena Vergara Cardona |
Saúde bucodental |
O 10 de maio participamos nun obradoiro de hixiene bucodental realizado por un experto en saúde baixo a coordinación do Concello de Ourense. Con esta actividade de saúde bucal, promovida polo Concello de Ourense, o que se busca é que o alumnado de Infantil e Primaria coñezan a importancia de preservar e manter unha hixiene oral adecuada, ademais de fomentar hábitos que, aplicados desde a infancia, poidan previr enfermidades orais máis tarde. Na charla informativa, tamén nos explicaron como facer un correcto cepillado dos dentes, identificar as principais partes da boca, descubrir os inimigos da saúde bucal ou recoñecer e evitar os alimentos carigénicos. Asemade, tamén descubrimos como o fluoruro aumenta a resistencia do esmalte e dos dentes e quen é o profesional que se encarga da súa saúde oral. |
- « primeira
- ‹ anterior
- …
- 3
- 4
- 5
- 6
- 7
- 8
- 9
- 10
- 11
- …
- seguinte ›
- última »