Contido popular
Título | Resumo |
---|---|
Comida do Entroido |
O xoves de comadres realizamos a tradicional merenda de Entroido a base das viandas que trouxo o alumnado e profesorado para degustar no centro. Non faltaron as orellas de Entroido, as flores, as filloas, as chulas, tortas de todo tipo,... que con tanto mimo realizaron as nosas familias nas súas casas. Como a aportación foi excesiva, puidemos disfrutar do sobrante o venres de Entroido. |
Lectura funcional |
Unha das sesións semanais da hora de ler, programada dende o aula de audición e linguaxe co alumnado de sexto, vai encarada a dotar de funcionalidade á lectura para facilitar a súa comprensión e uso en diferentes contextos da súa vida cotiá . A actividade de hoxe foi a elaboración dun Brownie de chocolate no microondas, que na hora de recreo compartiron cos seus compañeiros de clase. Foi todo un éxito, non quedaron nin as migas. |
Agradecemento ao alumnado |
Vídeo do alumnado ao seu profesorado: Agradecemento do profesorado as familias do CEIP Manuel Sueiro polo fermoso vídeo colaborativo que elaborastes para nós. Premede nas imaxes para ver os agradecementos |
Día Mundial da alimentación |
A FAO celebra cada ano o Día Mundial da Alimentación o 16 de outubro, ao conmemorar a fundación da Organización en 1945. Organízanse eventos en máis de 150 países de todo o mundo, facendo que sexa unha das xornadas máis celebradas do calendario da ONU. No Manuel Sueiro unímonos á conmemoración traballando sobre a fame infantil no mundo. Visitamos 8 países (Afganistán, Nixeria, Iemen, Bharat, Serra Leona, Madagascar,Etiopía, Malí e Honduras) que nos mostraron o camiño cara o lema deste ano “ A NOSA META: FAME CERO”. Tentamos concienciarnos da necesidade e responsabilidade do non desperdicio de comida no noso contorno, colexio, familia,... para non esquecer os obxectivos da axenda 2030. Ao longo da semana do Día da alimentación, cada curso do cole pescudou información sobre un país dos que aínda se pasa fame no mundo e elaborou un lema sobre a Fame cero e o despercidio de alimentos. Para rematar, o último día, o alumnado de cada curso expuxo ao resto do cole o resultado das súas pescudas e o lema elaborado. TRABALLOS FEITOS POLO ALMNADO
SLOGÁNS
|
Celebración do magosto 2022 |
O 10 de novembro, celebramos a festa do magosto no patio do noso colexio. Seguindo a tradición dos últimos anos, primeiro disfrutamos dunha merenda a base de bolos preñados de chourizos, empanada de carne e bonito, e de postre bica que acompañou ás protagonistas desta festa: as castañas. A continuación, realizamos un circuíto de xogos populares, con 9 estacións, que nos organizaron os/as profes do cole coa axuda do alumnado de prácticas. Ao rematar, o alumnado que aínda tiña algo de forzas, bailou ao ritmo da DJ contratada para esta ocasión.
|
Experimentando con vasos leñosos | |
Visita á fábrica de Aceites Abril |
O 25 de novembro, o alumnado de 5º e 6º de Educación Primaria visitou a empresa ourensá Aceites Abril, situada no Polígono Industrial San Ciprián de Viñas, Calle 6, nº 18, en Ourense. O obxectivo da visita era coñecer o proceso de elaboración e distribución do aceite destacando a importancia da sostenibilidade e reciclaxe da empresa Aceites Abril. A nosa visita pola fábrica foi moi interesante, xa que nos amosaron diversas máquinas nas que puidemos observar os procesos de envasado, embotellado, etiquetado, almacenaxe e distribución. Antes de percorrer a fábrica, ensináronos a sección de calidade no que deixamos as nosas pertenzas e nos puxemos a batas e gorros. Nesta visita non hai fotografías, soamente esta de grupo que amosamos na páxina web xa que por motivos de seguridade non está permitido facer fotografías dentro das instalacións. A visita foi guiada por Javier Martínez, responsable de exportación e por Marta Pérez, responsable de RRHH. Dende o CEIP Plurilingüe Manuel Sueiro agradecemos a visita así como o magnífico trato recibido, cando nos inviten voltaremos porque quedaron moitas preguntas sen facer. |
Ponte nos seus zapatos |
En sintonía coa elección do Proxecto Documentado Integrado do colexio neste curso académico, dende o área de Relixión estamos a traballar o ODS 1: Acabar coa pobreza no mundo. Para entender que a pobreza pode chegar a calquera por situacións inesperadas e podemos partir dunha situación económica social boa e de repente, quedarnos sen nada, na máis absoluta miseria con o que esa situación implica, fixemos para os cursos de 5º e 6º Educación Primaria unha dinámica baseada na experiencia dun emigrante. En que consistiu a actividade? Proponse aos alumnos e alumnas que imaxinen que sucedeu algo moi grave en España e deben deixar o seu país en unhas horas. Antes de abandonar o país, poden ir a súas casas a recoller só 20 obxectos que poden levar con eles tendo en conta as necesidades básicas que necesitan cubrir. Unha vez que escollan as cousas que queren levar, les diremos que cada un deles debe deixar cinco deses obxectos porque o único medio dispoñible para poder viaxar é unha barca pequena na cal irán moi apertados e polo tanto, non poden levar moito equipaxe. Comeza a travesía e cando levamos xa cinco días de viaxe, se acabaron xa a metade dos víveres (comida e auga). Ao cabo de dous días máis, prodúcese no mar unha forte tormenta que fai balancear a barca producindo a perda da metade dos obxectos que tiñan nese momento. Cinco días despois non nos queda ningún alimento nin auga e empezamos a sufrir fame e sede. Por último, cando case estamos a punto de chegar á terra, a barca sufre un naufraxio e perdemos todas as pertenzas que aínda nos quedan. Por fin, chegamos a terra, empapados, co só a roupa que levamos posta, sen ter absolutamente nada máis, mortos de frío, tristes e famentos. O texto bíblico que traballamos nesta sesión encóntrase en Mateo 25:35-40 “Porque tiña fame e me destes de comer; tiña sede e me destes de beber; eu era un estraño, e recollíchesme; estaba espido e cubríchesme; enfermo, e me visitastes; no cárcere, e viñeches a min. Entón, os xustos responderán: Señor, cando os vimos con fame, e apoiámosche ou sedento, e démosche a beber? E cando nos vimos estraños, e te collemos ou espidos, e cubrímosche? Ou cando te vimos enfermo ou no cárcere, e chegamos a ti? E respondendo, el díxolles: dígolle que en canto fixeches un destes irmáns pequenos, fixeches a min. Cando rematamos a actividade, os nenos e as nenas reflexionaron acerca de como se sentirían si a eles les ocorrese algo así. Tamén falamos de como por ser cristiáns somos chamados a ser solidarios e compasivos coas persoas que vense nestas situacións axudándolles con o que podamos facer, sabendo que facer isto é como si se o fixéramos ao mesmo Xesús. |
Chegou o Nadal á biblioteca do cole | |
Calendario de advento |
O alumnado de 1º e 2º elaborarou nun traballo colaborativo, nas clases de educación plástica, un calendario de advento que, posteriormente, empregamos para facer a conta atrás dos días que faltan para a chegada do Nadal. Para darlle un pouco de emoción, cada día, na Hora de ler, iamos ao calendario para facer a lectura do reto sorpresa dese día. Adiviñas, valores, ordes, xogos, bailes… foron varios dos retos que fomos superando día tras día. Pasámolo xenial esperando a chegada do Nadal!! |
Programa Observa_Acción |
Este curso fomos admitidos no programa de intercambio de experiencias OBSERVA_ACCIÓN. Trátase dun programa de desenvolvemento competencial desde a observación e o intercambio entre iguais, durante os cursos escolares 2022/23 e 2023/24, que se levará a cabo a nivel autonómico, nacional e internacional. O xoves 26 de xaneiro, o director do centro e a mestra coordinadora asistiron á primeira xornada de formación en Santiago. Ademais deles, outro docente inicia este camiño no intercambio de observación docente. Un dos obxectivos que se perseguen con este programa é o de experimentar novas vías de formación do profesorado e favorecer a innovación educativa no centro educativo, así como a colaboración con centros doutras comunidades autónomas e/ou países de ámbito europeo. A nosa liña de traballo vai na dirección da Competencia comunicativa. Aquí comeza a nosa andaina da que vos iremos dando conta. |
A YELLOW SUBMARINE! |
A canción “The yellow submarine” serviu de excusa para aprender máis sobre o medio mariño: fish, waves, the sea, ... Pero o noso yellow submarine non se move cun motor contaminante do fondo do mar, a enerxía que o move non pode ser máis limpa e inocente: As voces e a ilusión polos seus traballos a prol do coidado do mar. DISFRUTA DO FONDO MARIÑO A BORDO DO NOSO YELLOW SUBMARINE! |
Presentación do Día do libro 2023 | |
Vídeo libro de Cando leo |
Para celebrar o Día do libro todo o alumnado do centro participou na realización de un vídeolibro sobre o libro de Eva Mejuto e Bea Gregores, titulado Cando leo. |
Horta escolar no CIFP Portovello |
O venres 21 de abril de 2023 o alumnado de 6º de Educación Primaria comezou a limpeza do seu bancal para realizar a plantación da súa horta escolar no CIFP Portovello. O primeiro que fixemos foi retirar as herbas do noso bancal. Unha vez retiradas as malas herbas comezamos a plantar os nosos alimentos sendo neste ano: coles e leitugas PREPARANDO O TERRENO REGANDO A HORTA
|
Perigo vexetal |
Durante o mes de marzo e abril o alumnado de 4º curso traballou no Club de lectura o libro do ourensán Ramón Caride, escritor de San Cristovo de Cea, titulado Perigo vexetal. O libro é una novela de aventuras ecolóxicas ambientada entre o pasado e o futuro. Os seus protagonistas, Sheila e Said, buscan información sobre unha planta que acabará coa fame no mundo. A lectura serviunos para introducirnos no traballo das plantas como seres vivos. Fixemos un semilleiro na clase e despois plantamos as pequenas plantas producidas na nosa horta escolar. Agora xa só nos resta coidala para que sexa produtiva!!
|
Horta escolar de Ed. Infantil | |
Concurso de fotografía |
Con motivo da celebración do Día Mundial do Medio Ambiente, queremos facer unha EXPOSICIÓN con fotografías referidas á Nai Natureza. Ademais da exposición, convocamos un CONCURSO de fotografía coas seguintes BASES:
Na seguinte presentación iranse reflictindo os traballos presentados ao concurso: |
Día de Europa |
Galicia é Europa!!! O Día de Europa ten lugar cada 9 de maio. Neste día celebramos os logros e a unidade en Europa. Dendo o noso centro animamos ao noso alumnado a coñecer Europa e a investigar sobre a presenza de Galicia nas institucións da Unión Europea. Tendo como referencia a Fundación Galicia Europa (FGE), entidade que ten como fin de promover todas as accións que propicien o achegamento entre Galicia e Europa. |
Ravioli. Nós tamén creamos |
Aquí poderedes ver o reultado final do noso traballo ao longo deste curso para participar no programa Nós tamén creamos! dentro do plan Proxecta. |
Club de lectura de 5º de Ed. Primaria | |
7 reporteiros e un periódico |
No último trimestre, no Club de lectura de 3º de Ed. Primaria traballamos co libro "Siete reporteros y un periódico" de Pilar Lozano Carbayo. Alejandro, un rapaz de once años, quere dirixir un xornal na súa escola. O problema radica en que non ten reporteiros ni diñeiro para poñelo en marcha... Coma en anteriores ocasións, unha vez rematada a lectura do libro realizamos un concurso de animación á lectura do que podedes ver as imaxes na seguinte galería. |
Diario de Greg | |
Segundo Premio Nacional dos Clubs de Lectura |
O noso centro ven de destacar como un dos referentes principais para o fomento da lectura en todo o país ao recibir o segundo Premio Nacional Escolar de Clubs de Lectura. Este prestixioso recoñecemento, outorgado polo Ministerio de Educación, Cultura e Deporte, distingue as institucións educativas que demostraron un destacado compromiso co fomento da lectura e a formación de novos lectores críticos e apaixonados. O CEIP Plurilingüe Manuel Sueiro destacou entre centos de centros educativos de toda España grazas ás súas estratexias innovadoras e ao entusiasmo da súa comunidade educativa. O proxecto do club de lectura do CEIP Plurilingüe Manuel Sueiro conseguiu implicar activamente ao seu alumnado na exploración do mundo da literatura dende pequenos. Fomentando a lectura como actividade lúdica e enriquecedora, este centro educativo demostrou ser un faro de inspiración para outros centros educativos de toda España. Apostamos pola idea de que a lectura non só enriquece a mente, senón que tamén une ás persoas. Esperamos seguir inspirando ás xeracións vindeiras a través da maxia dos libros. O Premio Nacional Escolar de Clubs de Lectura é unha mostra da aposta do centro pola educación de calidade e o fomento da lectura como ferramenta fundamental no desenvolvemento das habilidades cognitivas e na formación de cidadáns críticos. Ademais do recoñecemento, o CEIP Plurilingüe Manuel Sueiro recibirá unha boa dotación económica que contribuirá a seguir reforzando os seus programas de lectura. Este logro demostra unha vez máis que a educación pública en Galicia está en constante evolución e que as institucións educativas, como o CEIP Plurilingüe Manuel Sueiro, están á vangarda na promoción da lectura e na formación das futuras xeracións de líderes e cidadáns comprometidos coa cultura e o coñecemento. Sentímonos orgullosos de compartir noticias sobre logros educativos destacados coma este e agardamos seguir sendo un modelo a seguir no fomento da lectura en todo o país. Parabéns a toda a comunidade educativa polo seu merecido premio e a súa dedicación á educación. O martes, 10 de outubro, a Consellería de Educación celebrou un acto na cidade da cultura de Santiago co fin de dar publicidade e recoñecemento ao traballo desevolvido desde as bibliotecas escolares galegas que resultaron premiadas a nivel nacional. No acto, as seccións dos nosos clubs de lectu¡ra estiveron representados pola coordinadora do club de lectura e o director do centro. |
Visita á biblioteca Pública provincial de Ourense |
O alumnado de Infantil goza dunha xornada na Biblioteca Pública de Ourense! O pasado 10 de maio, os nenos e nenas de Educación Infantil do noso cole viviron unha experiencia inesquecíbel na Biblioteca Pública Provincial de Ourense. Co obxectivo de fomentar o amor pola lectura en tempo de lecer e familiarizalos co uso da biblioteca, o alumnado participou nunha completa xornada de formación de usuarios e animación á lectura. Durante a visita, os cativos descubriron que os libros poden adoptar diferentes formas e tamaños, desde os clásicos libros encadernados ata aqueles con texturas, despregables, con movemento ou mesmo con sons. Esta experiencia sensorial espertou a súa curiosidade e convidounos a explorar o mundo da lectura dunha maneira máis interactiva e divertida. A continuación, mergulláronse nunha máxica sesión de contacontos narrada cun kamishibai, un teatro de papel xaponés que utiliza láminas ilustradas para narrar historias. A narradora, coa súa voz expresiva e as imaxes cativadoras, transportou aos nenos e nenas a un mundo de fantasía e aventuras, espertando a súa imaxinación e fomentando a súa atención. Para rematar a xornada, gozaron dun tempo libre para explorar os fondos da biblioteca. Entre estantes cheos de libros, quebracabezas, … puideron elixir os seus favoritos e gozar da lectura nun ambiente tranquilo e acolledor. Esta xornada na Biblioteca Pública de Ourense foi unha experiencia enriquecedora para o alumnado de Educación Infantil, quen tivo a oportunidade de descubrir o pracer da lectura en tempo de lecer e familiarizarse cun espazo cultural tan importante como a biblioteca. Unha experiencia que sen dúbida repetiremos! |
- « primeira
- ‹ anterior
- …
- 6
- 7
- 8
- 9
- 10
- 11
- 12
- 13
- 14
- …
- seguinte ›
- última »