Primeiro sementamos, despois transplantamos e agora    .... preparadas para comer!

O pasado venres, 18 de xuño, o alumnado de terceiro fomos ao museo Massó da nosa vila. Alí, ademais de visitar as súas instalacións, realizamos un obradoiro chamado O QUE O MAR NON QUERE, co fin de concienciarnos da importancia de non tirar lixo ao mar.   Lucía, a  nosa guía, foi amosándonos o tempo que tardaban os materiais en desfacerse, dende un simple papel de xornal, ata unha lata de refresco, unha bolsa de plástico, uns cueiros, unha pila ou unha botella de cristal., sen esquecernos das máscaras, tan actuais pola COVID.

Chamounos a atención que sexa o vídreo o material que máis tarda en desintegrarse, que as pilas sexan tan altamente contaminantes, e que os plásticos se terminen convertendo en microplásticos que os peixes consumen e polo tantos os humanos tamén.

Lucía volveunos falar da importancia das tres R (Redución, reutilización e reciclaxe) para salvar os océanos e a Terra en xeral.

Tiñamos pensado remater o día na prais da Banda do Río, pero a chuvia non o permitiu. Si que puidemos merendar na alameda e xogar un pouquiño alí.

 No seguinte vídeo amosamos as imaxes deste día:

Este fin de curso está resultando superdivertido. O martes, 15 e o mércores E 16 puidemos desfrutar do concerto EXTRA, con Paco Nogueiras e o noso querido y admirado veciño MARC TAEGER, como ilustrador,  en directo. 

O concerto, é a actividade que a editorial Kalandraka, ofreceu aos centros subscritos ás súas publicacións, e que este ano por mor da pandemia nonpuido ser presencial. Foi emitido polo canal KALANDRAKA TV.

Mirade que ben o pasamos!

O pasado martes, o alumnado de terceiro tivemos a sorte de recibir a visita de Arturo Sámchez Cidrás. Cando era mestre no noso cole, fixo co seu alumnado un traballo de investigación sobre as lendas de Bueu, que quedaron recollidas na revista o Candil.

Este proxecto serviulle a Arturo como punto de partida para facer as súas propias pesquisas e converterse en un auténtico erudito do tema.

Como bo mestre, foi capaz de espertar a nosa curiosidade e manter a  nosa atención ao falarnos de lendas tan abraiantes como o da COVA DA LONTRA, A ROCHA FENDIDA, AS TRES COVAS DO LIBOREIRO, A FONTE DOS TRONOS, A MOURA, O BURATO DO INFERNO, O CALAMAR XIGANTE, O PASTOR E A SERPE, ...

Arturo é un auténtico historiador, especializado en todosos temas que teñen que ver coa nosa vila. Se queredes saber máis sobre este tema ou sobre calquera outro que estea relacionado co Bueu clicade na seguinte imaxe;

 MOITÍSIMAS GRAZAS!