O Mandadiño, foi indicándonos como tiñamos que vir cada día.

Nestas imaxes poderedes ver como  cumprimos. 

O martes viñemos das nosas casas cos pixamas, as zapatillas e as batas. 

Vestímonos de negro, o mércores para colocarnos a coroa de Rosalía e así conmemorar tamén o aniversario do nosa galega máis ilustre.

O xoves, tocounos vir de mascalleiros, así que todxs recurrimos a roupa vella das nosas nais ou de de nosos pais.

E por fin chegou o venres. Festa rachada. Cada quen elixiu o disfrace que quixo.

Este ano, non se puido organizar o gran pasarrúas que faciamos sempre polas rúas de Bueu. Porén  pasámolo moi ben no patio facendo desfiles por aulas. Neste vídeo poderedes comprobalo.

Esta semana o alumnado de 4º tivemos a sorte de recibir a Denís, que nos veu dar un obradoiro sobre guións radiofónicos.

Empezou contándonos que, a pesar de todos os avances tecnolóxicos, a radio segue utilizándose. Tras moito divagar chegamos a conclusión de que é así porque só necesita do noso sentido do oído e que, polo tanto, podemos facer outras tarefas mentres a escoitamos: conducir, construír, pintar, cociñar, facer deporte …

Pasamos logo a aprender a facer guións. Vimos a importancia de facer unha presentación do programa e das persoas, de ter unha voz clara, de empregar palabras entendibles, de facer pausas, da música e de efectos que chamen a atención.

Despois fixemos unha tormenta de ideas para elixir o tema do noso guión.

A continuación debatemos por equipo e tomamos unha decisión

Posteriormente escribimos o guión e, unha vez rematado, o ensaiamos.

Finalmente o gravamos na nosa emisora.

Neste vídeo poderedes comprobar o ben que o pasamos, o atentxs que estivemos o como traballamos.

Este fermoso banco apareceu no patio do cole esta semana.

Antes, dentro da aula, as nosas mestras, fixéronnos reflexionar sobre o seu significado e mesmo fomos quen de escribir emotivas historias sobre el.

Despois, xa na hora do recreo, puidemos decatarnos da súa utilidade. Primeiro, como non? Quixemos sentarnos todxs.

Pero pronto empezamos a xogar ata que alguén se sentiu soiñx e decidiu usar o poder máxico deste asento.

Pronto acudiron compañeirxs, empáticxs, que se preocuparon.

Unha experiencia, sen dúbida, moi enriquecedora, que non só, nos vale para buscar amigxs, senón tamén que nos fixo darnos conta que hai compañeirxs que nos necesitan e que axudalxs, fainos sentir moi, pero que moi ben. Vale a pena deixar os nosos xogos por un momento e animar a esa persona que está sufrindo a xogar con nós, ou simplemente, acompañar e falar.

QUEREMOS BANCOS DA AMIZADE NO PATIO DO COLE!

O título desta páxina do blog, correspóndese co lema elixido, no concurso de lemas de Nadal. Mandamos dende aquí a nosa felicitación a Diego Moreira Fernández, alumno de 1ºB do cole, autor do mesmo.

O lema forma parte do mural, que a modo de felicitación navideña, preside a entrada do noso cole.

Agradecemos o alto nivel e a elavada participación das familias de cuarto, pero  só podía haber un gañador.

Este foi un final de trimestre atípico, porque o coranavirus volveu tomar protagonismo ao teren confinadxs a unha alta porcentaxe de alumnado. A celebración destas entrañables datas víronse moi afectadas.

No vídeo seguinte poderedes desfrutar da panxoliña "Xa sinto o Nadal" de Kókiti música, que cantamos e interpretamos en lingua de signos, grazas á inestable axuda de Rosa Louro, conxuntamente co alumnado de 1º e 2º de primaria.

Tamén fixemos unha bonita postal navideña e decoramos a porta da nosa clase. 

O último día de cole tivemos a sorte de desfrutar dun espectáculo de maxia co noso benquerido  Ramón. Cordas que xa estaban cortadas, apracían unidas misteriosamente, cartas que nós mesmos cortabamos aparecían pegadas, ... O noso conserxe foi quen de ler o noso pensamento. Incrible pero certo. A maxia existe.

Ese mesmo día, antes dar as vacacións, tamén aproveitamos para escribirlle unha carta ao Apalpador, Papá Noel ou ao Reis Magos, pudemos elixir. Foron peticións especiais, pois non nos limitamos a pedir unha lista de agasallos, senón máis ben qiixemos transmitirlle os nosos desexos. Seredes capaces de adiviñar  cal foi o que máis se repetiu?

Neste vídeo quedan recollidas as imaxes das actividades de Nadal.

FELICES FESTAS!