O venres 19 de novembro, co gallo da conmemoración do día da música, que se celebra o 22 de novembro, tivemos a sorte e a honra, de recibir no colexio a visita do grupo "Tanxugueiras". Esta semana están de celebración, pois presentaron a súa candidatura para participar no Benidorm Fest, onde poderían ser os gañadores para representar a España no festival de Eurovisión 2022, e ser o primeiro grupo que presenta unha canción, nunha lingua cooficial española como é o Galego.

Aprendimos un montón de cousas da tradición da música galega e da pandeireta,  gracias a elas:

-Primeiro pediron ao alumnado que lles fixeran un debuxo dunha pandeireta, onde tiveron que poñer as súas partes.

-Nos aclararon a diferencia entre a pandeireta e a pandeira, que se toca na zona de fronteira con Castela León e Asturias. Ademais unha das curiosidades que aprendimos é que en Galicia é o único sitio onde a pandeireta se agarra coa man esquerda e se toca coa dereita.

-Tamén nos falaron da maneira de recuperar as cancións, mediante a tradición oral. A mocidade chamaba ás portas das persoas maiores, e lles pedían que cantasen unha canción. Así se mantiñan ás cantigas de xeración en xeración. 

-Moi interesante foi tamén a forma de ensinar a tocar a pandeireta á rapazada, con distintos ritmos sinxelos (plátano, eu son de Marín...)

-Puxéronnos o video da súa canción "Figa" para adiviñar o ritmo que se utilizaba (rumba tradicional galega) e por último nos agasallaron cunha canción fermosísima cantada por elas, da que poderedes gozar no seguinte video.

QUE MAÑÁ TAN ESPECIAL!!! MIL GRAZAS POR DEIXAR QUE A RAPAZADA GOCE CON VÓS!!!

O pasado venres, 12 de novembro, o alumnado de 4º de primaria tivemos o inmenso honor de recibir a visita de Arturo.

Foi importante para nós porque:

1º  Arturo é tripulante do buque oceanográfico "Ángeles Alvariño".

2º Arturo vén de estar co seu barco no volcán Cumbre Vieja de La Palma, actualmente en erupción.

3º Arturo foi alumno do noso colexio nos primeiros anos do seu funcionamento.

Empezou falando de que xa leva 10 anos navegando neste barco oceanográfico. O seu traballo é o de contramaestre. Contounos que lle gusta moito o seu oficio e que  os 8 tripulantes lévanse moi ben. Só ten un inconvinte e é estar lonxe da familia por longos períodos de tempo.

Amosounos este vídeo para que entenderamos a función deste buque:

Despois Arturo, falounos da súa última expedición: O VOLCÁN DA PALMA. O barco acompañou aos científicos e científicas para investigar o impacto que a erupción está tendo no océano. Contounos que alí tivo sentimentos encontrados. Por un lado a emoción de ver e escoitar un volcán erupcionando, pero por outro a tristeza ao percibir tanta destrución e miseria.

Amosounos este vídeo, que el mesmo gravou dende o mar. A todos nos impresionou como ruxe o volcán.

Por último falounos da súa experiencia como alumno deste cole. Contounos que había clases mañá e tarde. Ao mediodía marchaban a casa a comer e despois tiñan que volver. Acordábase dalgunhas das súas mestras e mestres, como Doña Elisa ou Don Manuel. Chamounos moito a atención que os chamaran de Doña e Don. No recreo, explicounos que no patio de terra xogaban ao galope, aos trompos ou ás canicas. Na pista, que aínda existe, xogaban ao fútbol.

Díxonos que, por aquel entón, nin os pais nin as nais viñan traelos. A rapazada maior traía aos pequenos e pequenas ata o centro.

Arturo respondeu ao aluvión de preguntas que lle fixemos cunha paciencia infinita. 

MOITÍSIMAS GRAZAS!

A que está chulo o noso mural de Samaín? 

Todo o alumnado do cole participou na súa elaboración!

Este mural e a impresionante exposición de cabazas, elaboradas polas familias preparou ao noso cole para que o venres 29 de outubro, a rapazada que quixese vir disfrazada poidese facelo.

Nesta presentación poderedes ver unha galería de fotos e tamén no video:

Como xa vén sendo tradición no noso cole, o pasado luns, 18 de outubro, celebramos o día das escritoras, para reinvindicar a figura da muller dentro da literatura, solapada historicamente.

O alumnado de cuarto tras realizar unha serie de actividades na aula de concienciación sobre esta data, visitou o Bibliocastelo para traballar no andel, preparado para esta ocasión, con multitude de libros de escritoras galegas.