IES Xoán Montes

O alumnado de 1º BAC de Economía tivo a ooportunidade de visitar a planta de producción de Pull&Bear que se atopa en Narón, próxima a Ferrol.

Coñecimos en primeira persoa todo o proceso de producción dende que se deseña unha prenda ata que se distribúe cara ás distintas tendas no mundo. Visitamos a planta de almacenaxe e de distrubución. Chamounos moito a atención a automatización deste espazo, con numerosos robots que distribúen os produtos en caixas nos silos, cintas mecánicas e foso por medio da lectura de códigos QR.   

Na segunda parte da visita explicáronnos todo o proceso de deseño das prendas e o estudo de mercado, así como os distintos equipos de produción (xefe/a, deseñadores, deseñadores gráficos e proveedores).

Visitamos a fábrica de Pull&Bear. Marta Coria. CC BY-SA

O pasado luns 17 de abril tivemos un encontro na Biblioteca. 

Emma Pedreira, filóloga, poeta e escritora, trouxo  “A maleta azul dos libros raros”. Dela saíron libros redondos, panos, barallas, casas, miniaturas… que nos abríron os ollos á posibilidade de contar historias nun sin fin de formatos. Ás veces, non son necesarias as palabras, só a capacidade de ler. Os obxectos poden relatarnos as lembranzas da familia, formas de vida (pensemos nese libro-casa tan marabilloso!) doutras culturas e tempos, épocas de represión, de liberdade, cartas-poesía, de amor… En definitiva, a demostración de que calquera peza, non só os libros, poden conlevar un relato, en moitas ocasións subxectivo. E todo isto metido dentro dunha maleta!

Moitas grazas, Emma.

Alumnado con Emma Pedreira na biblioteca. Meri García.

A semana pasada tivemos a sorte de contar cunha visita moi especial! Dúas integrantes da plantilla do Ensino Lugo CB achegáronse ao IES Xoán Montes para compartir con nós a súa experiencia deportiva e transmitir hábitos de vida saudable.

Por unha banda, a base lucense Esther Castedo, contounos a súa experiencia como xogadora na selección española e o seu retorno a Lugodespois de catro anos na liga universitaria de Estados Unidos (a NCAA).

Por outra, Catarina Pollini, explicounos a súa traxectoria dende xogadora na súa cidade natal Vicenza, o seu paso pola selección italiana ata ao papel de manager na actualidade do equipo lucense Ensino.

Un pracer coñecer de preto a estes dous grandes exemplos do deporte.

Esther Castedo compartindo a súa experiencia deportiva. Marta Coria. CC BY-SA

No mes de marzo o alumnado de 1ºBAC de Historia do Mundo Contemporáneo tivo a oportunidade de coñecer un pouco mellor o Grao de Xeografía e Historia, así como as súas saídas profesionais. Esta charla informativa intégrase no programa de difusión que organiza a Facultade de Historia de Ourense, pertencente á Universidade de Vigo.

Visitounos Begoña Garrido da cooperativa Xeitura adicada á Xestión integral do Patrimonio que explicou a organización do grao e os seus aspectos organizativos (notas de corte, materias, convocatorias, etc) para despois coñecer distintas saídas profesionais. A través dun xogo de cartas coñecimos casos reais de distintas saídas profesionais, incluíndo as máis emprendedoras.

Difusión Grao Xeografía e Historia. Marta Coria. CC BY-SA