Skip to Content

Visita á Domus do Mitreo

O alumnado da materia optativa Xeografía, Historia, Arte e Patrimonio de Galicia de 2ºBAC visitou a Domus do Mitreo. Neste centro visitaron as ruinas da antiga vivenda romana do centurión Gaio Víctor do s. I. Xa de época posterior, do s. III, é o templo adicado ao deus Mitra. Ademais da domus e o mitreo, o alumnado quedou sorprendido polos cimientos da muralla que se poden observar e amosan a altura orixinal.

 

Alumnado moi atento ás explicacións do guía.

Visita á Sala Porta Miñá

O alumnado de 2ºBAC da materia Xeografía, Historia, Arte e Patrimonio de Galicia visitou o pasado venres 10 de outubro a Sala de Exposicións Porta Miñá.

Contamos cunha visita guiada de Javier que nos explicou con moita claridade como foi a configuración da cidade de Lugo dende as súas orixes ata o seu ocaso. Na sala puidemos observar numerosas fontes de información da etapa romana da cidade de Lugo. Por último, vimos un vídeo que resumía a construción da muralla.

visita

Visita a Sala Porta Miñá. Marta Coria. CC BY-SA

FORMACIÓN DE PROFESORADO

O profesorado do IES Xoán Montes participa ao longo deste curso en diferentes actividades enmarcadas no Plan de Formación Permanente do Profesorado (PFPP).

Este curso o plan inclúe cinco actividades organizadas na modalidade de seminario que terán unha duración de 20 horas cada unha.

A primeira actividade céntrase no "Traballo e avaliación de competencias na aula virtual".

formación

Seminario "Traballar e avaliar competencias na aula virtual". Marta Coria. CC BY-SA

Noraboa pola participación e décimo posto na fase inicial de clasificación do concurso CIBERSEGURIDADE NO COLE!

Hoxe 18 de outubro, ás 12 horas, estaba convocada a clase de 2º da ESO C, para a fase inicial de clasificación da III edición do concurso CIBERSEGURIDADE NO COLE!

O concurso se enmarca dentro das actividades do III Encontro CIBER.gal organizado polo Nodo Gallego de Ciberseguridad CIBER.gal xunto co espazo abalar da Xunta de Galicia e Telefónica. 

Consistía en contestar 10 preguntas en Kahoot en liña, á vez que outras moitas aulas de centros de toda Galicia, no apartado de 1º e 2º da ESO. Obtíñanse máis puntos por contestar ben e en menos tempo.

O alumnado de Proxecto Competencial esmerouse na actividade, aínda que non tivemos moito tempo para a preparación, cada pregunta foi analizada, contestada e celebrada ou lamentada (estas as menos) con gran intensidade. 

As respostas, que eran a preguntas relacionadas co tema da ciberseguridade, despois do tempo fixado eran explicadas para aclarar cal era a correcta, así que resultou un concurso didáctico, e todo o proceso en si enriquecedor.

Para profundizar no tema de ciberseguridade entrar en https://www.incibe.es/

Recollemos unhas fotos como mostra do entusiasmo do alumnado.

 

Fotos de Mª Beatriz López Soto CC BY-SA

Obradoiro "Desata a lingua"

O 17 de outubro levouse a cabo o obradoiro Desata a lingua co alumnado de 1ºESOA. A intención desta actividade é promover a posta en común de ideas e a redacción, a través de exercicios lúdicos, de dous puntos do manifesto en cada un deles.

O alumnado estivo acompañado pola escritora Ana Carreira para tentar analizar a situación da lingua galega partindo das súas percepcións e acompañándoas de datos reais. Este foi o punto de partida para analizar as diferentes maneiras de expoñer as ideas que queremos transmitir e a súa redacción. O resultado deste obradoiro formará parte do manifesto colectivo do Correlingua 2024 que se lerá en todas as festas e chegará a todos os centros de Galiza.

correlingua

Obradoiro "Desata a lingua". Fotografía de Adrián Laureda

Conferencia "Luz ó Deporte" con Pedro Munitis

O martes 17 de Outubro realizouse unha segunda saída incluída dentro do ciclo de conferencias “Luz ó Deporte” organizadas pola Fundación Breogán. Nesta ocasión o relator foi Pedro Munitis, ex-xogador internacional de fútbol e actual adestrador do CD Lugo. 

A sesión transcorreu dun modo ameno por realizarse a modo de entrevista, e a traxectoria profesional de Pedro Munitis resultou moi interesante e formativa. Contou como con ilusión e moito esforzo, logrou sendo dunha familia humilde e sen conexión co Deporte, ser unha figura internacional e profesionalizarse para poder continuar ligado á competición desde a figura de adestrador.

 

Falou aos alí reunidos da importancia de sacar aprendizaxes das adversidades (a resiliencia) e do importante que é o traballo en equipo. Todo iso baseándose en experiencias vitais persoais. Os alumnos asistentes expuxeron varias cuestións ao finalizar a sesión, sinal do interese que xerou a traxectoria desta figura do deporte lucense.

Pedro Munitis

Pedro Munitis. Fotografía de María Inmaculada Rodríguez

Obradoiro Parque Eólico Exerimental Sotavento

Os alumnos de 1º de ESO participan nos obradoiros desenvolvidos por especialistas procedentes do Parque Eólico Experimental Sotavento.

Durante esta xornada aprenderon a orixe da enerxía que consumimos na nosa vida diaria e que únicamente o 42% da enerxía eléctrica en España procede de fontes renovables. Tamén se insistiu na importancia de aforrala, con xestos diarios tan sinxelos como desconectar os aparellos electrónicos durante a noite ou as luces dunha habitación cando saímos dela,  xa que,

 

 A ÚNICA ENERXÍA LIMPA É A QUE NON SE CONSOME!!!

 A enerxía nos ilumina. Fotografía de Amparo Veiga

Hoxe 2 de outubro conmemórase o día da Educación Financeira

 

O lema deste ano é Finanzas inclusivas, finanzas para todos. 

A semana do 2 ao 6 de outubro realizaranse nas distintas clases de Economía e Formación e orientación persoal e profesional un obradoiro sobre educación financeira onde se tratarán distintos temas como a seguridade financeira, a importancia do aforro, o consumo intelixente e sostible, os tipos de tarxetas bancarias, banca dixital...

Hai moitos recursos, non so para este día, de interese:

Finanzas para todos

Portal do cliente bancario do Banco de España

Edufinet

Distribuir contido


by Dr. Radut