Skip to Content

Novas

01/03/18 ALUMNADO DO IES VAL DO ASMA CREA A IMAXE E O ESLOGAN DA CAMPAÑA DA XUNTA POLO DÍA DA MULLER

Ven, 02/03/2018 - 10:19

PRIMEIRO PREMIO PARA O IES VAL DO ASMA

Mér, 28/02/2018 - 12:44

Alumnado de 4º de ESO do IES Val do Asma gaña o primeiro premio do concurso de deseño de carteis convocado pola Xunta con motivo da celebración do Día Internacional da Muller o próximo 8 de marzo. O cartel deseñado polo noso alumnado será o protagonista da campaña institucional levada a cabo pola Xunta de Galicia. Para ver as imaxes da presentación do cartel, preme na foto.

Noraboa a todos/as !!!!

 

RESERVA DE PRAZA NA E.S.O. E NO BACHARELATO PARA O CURSO 2018-19

Dom, 25/02/2018 - 09:26

O alumnado xa matriculado no IES Val do Asma no curso actual 17/18 e que pretenda seguir estudos no mesmo centro o vindeiro curso, así como aquel alumnado que proceda do CEIP Xosé Luis Taboada ten que realizar a reserva de praza dende o 1 ata o 15 de febreiro de 2018 presentando o formulario ED550A, na secretaría do instituto ou a través da aplicación "admisionalumnado" (https://www.edu.xunta.es/admisionalumnado).

O novo alumnado que desexe cursar ESO ou BAC no IES Val do Asma ten que realizar a solicitude de admisión dende o 1 ata o 20 de marzo de 2018 presentando o formulario ED550B na secretaría do instituto ou a través da aplicación "admisionalumnado" (https://www.edu.xunta.es/admisionalumnado). Como criterio complementario aprobouse o seguinte: Familiares de 1º grado (nai, pai, titora ou titor) e/ou de 2º grado (avós, netos, irmán/s) que fóran alumnos do IES Val do Asma. Valoración 1 punto. Circunstancia que se acreditará coa fotocopia do libro de familia ou documento similar e a certificación de matrícula do nai, pai, titora ou titor ou irmán/s.

INTERNET SEGURA - QUÉROTE+

Ven, 16/02/2018 - 10:25

Coa campaña Día Internacional da Internet Segura "Crea, conecta e comparte con respecto: Unha internet mellor comeza contigo", os centros Quérote+ e o IES Val do Asma, pretendemos promover un uso seguro e positivo das tecnoloxías dixitais, especialemente entre a mocidade. Acceso ao material.

CULTIVANDO A AUTOESTIMA - QUÉROTE+

Ven, 16/02/2018 - 10:17

A través da campaña "Cultivando a autoestima", os centros Quérote+ e o IES Val do Asma pretendemos fomentar a reflexión crítica da mocidade fronte á cantidade de imaxes e mensaxes que recibe sobre os modelos de beleza e patróns estéticos, que dalgún modo invisibilizan a realidade. Acceso ao material.

PREMIOS EXTRAORDINARIOS FP GRAO SUPERIOR 2018

Ven, 16/02/2018 - 10:03

Convocatoria de Premios Extraordinarios de Formación Profesional de Grao Superior da Comunidade Autónoma de Galicia correspondentes ao curso 2016/2017.
Requisitos de participación:

  • Ter rematados os estudos de formación profesional de grao superior no ano 2017 nun centro docente da Comunidade Autónoma de Galicia.
  • Ter obtido unha cualificación final media de todos os módulos igual ou superior a 8,50.

O prazo de presentación de solicitudes será dun mes (ata 16 de marzo) a partir do día seguinte ao da publicación desta orde no Diario Oficial de Galicia (15 de febreiro de 2018)
Para máis información preme aquí.

VACACIÓNS ENTROIDO 2018

Xov, 08/02/2018 - 09:55

O período vacacional de Entroido abrangue dende o luns 12 febreiro ata o mércores 14 de febreiro de 2018, ámbolos dous incluídos.

PROBAS DE ACCESO A CICLOS 2018 (GRAO SUPERIOR E GRAO MEDIO)

Ven, 02/02/2018 - 10:48

Calendario das probas de acceso a ciclos:

- Grao superior:

Inscripcións dende o 8 ata o 23 de febreiro de 2018, ambos os dous incluídos.

Data da proba: 19 de abril de 2018.

Para máis información das probas de acceso a ciclos de grao superior preme aquí.

- Grao medio:

Inscripcións dende o 12 ata o 23 de marzo de 2018, ambos os dous incluídos.

Data da proba: 31 de maio de 2018.

Para máis información das probas de acceso a ciclos de grao medio preme aquí.

 

 

OBTENCIÓN TÍTULO BACHAREL 2018

Mér, 24/01/2018 - 14:12

Publicación da Resolución do 9 de xaneiro de 2018, pola que se convoca a proba para a obtención do Título de Bacharel para maiores de vinte anos e se ditan instrucións para á súa realización.

O prazo de presentación das solicitudes será entre o 23 de febreiro e o 9 de marzo de 2018.

Lugar de matrícula: nos centros relacionados na convocatoria.

Para acceder á documentación preme aquí.

OBTENCIÓN TÍTULO ESO 2018

Mér, 24/01/2018 - 14:05

Publicación da Resolución do 9 de xaneiro de 2018, pola que se convocan as probas para a obtención do Título de Graduado en  ESO para maiores de dezaoito anos nas convocatorias de maio e setembro, e se ditan instrucións para a súa realización.

Os prazos de matrícula son:
– Convocatoria de maio: 12 ao 23 de marzo de 2018, ambos os dous incluídos.
– Convocatoria de setembro: 2 ao 9 de xullo de 2018, ambos os dous incluídos

Lugar de matrícula: nos centros relacionados na convocatoria.

Para acceder á documentación preme aquí.

 

 

Distribuir contido


by Dr. Radut