Novas

AXUDAS FCT OU FP DUAL

Mér, 22/05/2019 - 11:55

Convocadas axudas económicas para o alumnado que realiza formación práctica en centros de traballo (FCT) ou FP dual.

Períodos de presentación de solicitudes:

O primeiro prazo,entre o 22 de maio e o 21 de xuño de 2019 (31 días naturais contados a partir do día seguinte ao da publicación desta orde no DOG), para o alumnado que realice a FCT nos períodos outubro 2018-marzo 2019 e nos períodos xaneiro-xuño, xaneiro-marzo e abril-xuño de 2019. Acollerase a este primeiro prazo o alumnado de FP dual.

O segundo prazo será o comprendido entre o 14 de outubro e o 14 de novembro de 2019, para o alumnado de ciclos formativos que lle corresponda realizar a FCT no período de setembro-decembro de 2019.

Para mais información, preme aquí.

FONDO LIBROS E AXUDAS LIBROS E MATERIAL ESCOLAR 2019-2020

Mér, 22/05/2019 - 11:23

Con data 20 de maio de 2019 saiu publicada a Orde pola que se regula a participación no fondo de libros de texto e se convocan axudas para adquirir libros de texto e material escolar destinadas ao alumnado da ESO para o curso escolar 2019/2020.

Prazo de presentación único: do 21 de maio ata o 21 de xuño de 2019

Recórdase que ao rematar o curso 2018/19, o alumnado beneficiario de libros de texto recibido do fondo solidario ou adquirido con axudas para libros de texto deberá devolvelos ao centro para a súa incorporación ao fondo solidario para o vindeiro curso. O prazo para devolvelos coincidirá co día de entrega de notas de xuño, agás para o alumnado de ESO que teña algunha materia pendente, que poderá quedarse co libro correspondente ata que se examine e, como máximo, ata a data de entrega de notas de setembro.

Para máis información acceda á circular do IES Val do Asma e na convocatoria

PERIODO DE PRÁCTICAS EN EMPRESAS (FCT) 2018/2019

Mér, 03/04/2019 - 13:08

O periodo ordinario para a realización das prácticas en empresas ou formación en centros de traballo (FCT) no curso 2018/2019 será:
C.B. Mantemento de vehículos: do 22 de abril ao 18 de xuño de 2019, ambos incluídos.
C.M. Electromecánica do vehículo automóbil: do 2 de abril ao 18 de xuño de 2019, ambos incluídos.
C.S. Administración e finanzas: do 4 de abril ao 14 de xuño de 2019, ambos incluídos.

MENÚ ESCOLAR PRIMAVERA 2019

Ven, 22/03/2019 - 09:29

A nova empresa concesionaria do comedor utiliza unha plantilla de 20 menús diferentes que rota ao longo de 20 días lectivos. Para coñercer o menú dun determinado día deberemos localizar o número do menú que lle corresponde a esa data nun primeiro listado. Unha vez localizado o número poderemos ver neste segundo listado cal que o menú que se vai servir ese día.

Exemplo: Unha vez consultados os dous listados, vemos que ao día 22/03/19 lle corresponde o menú nº 2, que se compón de: Ensalada de tomate, leituga, cebola, queixo fresco e olivas, Polo ao forno con arroz e verduras e Froita enteira.

15/03/19 NOVA CONCESIONARIA DO COMEDOR ESCOLAR

Ven, 22/03/2019 - 09:18

Dende o 15/03/18 ata final deste curso a nova empresa concesionaria do comedor escolar é a KOKICO do grupo Socratea. Para máis información preme aquí.

PREMIOS EXTRAORDINARIOS F.P. GRAO SUPERIOR 2019

Ven, 15/03/2019 - 10:25

Convocados os Premios Extraordinarios de Formación Profesional de Grao Superior da Comunidade Autónoma de Galicia para o alumnado que rematou no curso 2017/2018. Os requisitos de participación son:

Ter rematados os estudos de formación profesional de grao superior no ano 2018 nun centro docente da Comunidade Autónoma de Galicia.
Ter obtido unha cualificación final media de todos os módulos igual ou superior a 8,50.

O prazo de presentación de solicitudes será dun mes, ata 4 de abril de 2019, a partir do día seguinte ao da publicación desta orde no Diario Oficial de Galicia (4 de marzo de 2019).

Enlaces á convocatoria e á sede electrónica.