Taboleiro, Delegados/as

Para conmemorar o Día dos Dereitos da Infancia o alumnado na hora de titoría preparará uns móbiles onde representarán os dereitos que consideran fundamentais. Ao mesmo tempo, dende a Biblioteca, prepararán unha mesa temática con obras e xogos infantís e o alumnado de 1° CB de Informática de Oficina encargarase da elaboración do cartel. Para ver as imaxes da actividade preme aquí.

Lugar: IES
Grupos: Todo o alumnado
Organiza: Biblioteca do IES Val do Asma

Trátase dun Escape Room en Igualdade de Xénero, un xogo cooperativo, unha ginkana de interior que se recrea nunha sala especial, na que un grupo de persoas teñen que superar probas, descifrar códigos e enigmas para abrir candados e maletas, e poder saír deste espazo interior”.

Lugar: Biblioteca
Grupos: 2ª hora: FP básicas (todos), 3ª hora: 2º ESO, 4ª hora: 3º ESO, 5ª hora: 1º ESO e 6ª hora: 4º ESO
Organiza: Departamento de Orientación e DACE

Conferencia impartida polo Dr. Diego Peña da USC (Universidade de Santiago de Compostela) que consistirá nunha exposición sobre a importancia de dominar e coñecer as moléculas facendo unha introducción persoal á química orgánica e falando de moléculas relevantes que cambiaron o mundo, fármacos, materiais, etc.

Lugar: Aula de 3º ESO
Grupos: Alumnado de 3ºESO e 4ºESO
Organiza: Departamento de Física e química.

Participación no programa Que non te líen, ti elixes, iniciativa conxunta das consellerías de Cultura, Educación, FP e Universidades e de Promoción do Emprego e Igualdade a través da cal se busca fomentar, desde as aulas, unha orientación profesional libre de estereotipos de xénero así como a igualdade de oportunidades entre homes e mulleres e o fomento da coeducación.

Dirixido a: Alumnado de 3º ESO (12:35h) e 4º ESO(13:25h).
Lugar: Aula de referencia.
Organiza: Departamento de Orientación.