Lingua galega

Durante o mes de maio tiveron lugar as seguintes actividades de Dinamización da Lingua Galega.

O día 6 de maio o alumnado da ESO asistiu a representación da obra de teatro sobre Francisco Fernández del Riego, autor homenaxeado este ano, a cargo do actor Serafín Marcos.

O xoves 25, os grupos de terceiro e cuarto de ESO foron de saída cultural a Celanova e Vilanova dos Infantes.

Para conmemorar o día de Rosalía, que coincide coa data de nacemento da autora (agora o 23 de febreiro por terse descuberto documentos que desvela a data real do seu nacemento), o departamento de Lingua Galega e Literatura organizou a visita da propia escritora ás aulas de 1°ESO. Alí relatoulles os acontecementos máis importantes da súa vida.

Graciñas a Naír por prestarte a esta actividade, no IES de Teis encántanos que nos visites!

O pasado xoves 16 de febreiro, o alumnado de 2º e 4º de ESO visitou o Museo de Pontevedra para participar na "Camiñada con Castelao". Na saída organizada polo departamento de Dinamización da Lingua Galega o alumnado puido visitar o Museo e a continuación levou a cabo a "Camiñada con Castelao", percorrido polas rúas da cidade a partir da traxectoria vital do autor.

O alumnado foi acompañado polas profesoras de Lingua Galega , Darío Carrera, do departamento de Xeografía e Historia e a profesora de FOL, Adelina Cobo.

O pasado xoves, 6 de outubro o alumnado de 2.° de bacharelato e Literatura universal de 1° desprazouse ata a Sala Ártika para asistir á representación da obra de teatro "As fillas bravas e o mito de Casandra" a cargo da Compañía Chévere.

A actividade fora organizada polo departamento de Lingua Galega en coordinación co de Dinamización da Lingua.

Entre o 16 e o 25 de novembro, o noso instituto acolleu unha exposición didáctica itinerante coas cantigas do trobador Martín de Padrozelos.

Ditas cantigas, das cales nove son de amigo e unha é de amor, datan de entre finais do século XI e principios do século XII.