Enviado por admin o Mér, 17/07/2024 - 10:52
O día 26 de xuño tivo lugar o acto de graduación do noso alumnado de ciclos básicos, medios e superiores no Auditorio Mar de Vigo. Foi un evento cargado de emocións e bos momentos. O acto abriuse cunha actuación e atrezo levado a cabo polo alumnado e profesorado do Ciclo Superior de Caracterización.
Amenizaron o acto, a banda de música na que participou alumnado de Bacharelato e unha alumna de 4.º da ESO cunha impresionante actuación de voz, interpretando "Stay", de Rihanna.
A dirección do IES de Teis quere dar as grazas ás autoridades asistentes, Don César Pérez Ares, director territorial de educación na provincia de Pontevedra e a Dona Olga Alonso Suárez, concelleira delegada de educación e recursos humanos no concello de Vigo.
Grazas tamén a toda a comunidade educativa do IES de Teis, pola súa colaboración e axuda na organización de dito evento.
Noraboa a tódolos graduados e graduadas! Non vos esquezades de que o IES de Teis seguirá sendo a vosa casa, un lugar que recordar e ao que regresar!
