Formación Profesional Básica

LEMBRANZAS DESTE ANO…

O Departamento de Informática únese ás actividades que realiza o Grupo de Igualdade para conmemorar o 11F (Día internacional da muller e a nena na ciencia). O pasado xoves 8 de febreiro dende distintos cursos dos nosos ciclos conectámosos en streaming á xornada que organizou o Muncyt (Museo nacional de ciencia y tecnología) da Coruña, en colaboración coa facultade de Informática da mesma cidade, para asistir as catro charlas que tiveron lugar ao longo da mañá. As relatoras foron catro doutoras en Enxeñaría Informática e ofreceron unha visión divulgativa e con diversos enfoques da Intelixencia Artificial.

O pasado 30 de novembro tivemos a formación presencial do ENLAZAVIGO (do concello) PARA A PREVENCIÓN DA VIOLENCIA DE XÉNERO NA MOCIDADE para a que se crearon tandas tanto de mañá coma de tarde para que puidese asistir todo o alumnado da mañá e da tarde de 3º e 4º ESO, 1º e 2º FPB, 1º E 2º BACHARELATO, CICLOS MEDIOS DE PCC, EB, SMR, CICLOS SUPERIORES DE EIB, AIPC, CMP, DAM, DAW, DAW DUAL, ASIR, CURSO DE ESPECIALIZACIÓN BIG DATA E A ESA. Nesta formación facilitáronse ferramentas para a identificación dos distintos tipos de violencia de xénero na mocidade, favorecendo a súa prevención. Traballouse na deconstrución dos mitos que as rodean.