Igualdade

Aproveitando que o 17 de maio foi o Día Internacional contra a homofobia, transfobia e bifobia, no IES de Teis colocouse no mes de maio un punto arco iris permanente, xunto ao punto lila, para que o colectivo LGTBI teña un espazo asignado e darlle así visibilidade dentro do centro e reivindicar a igualdade de dereitos e sensibilizar sobre a discriminación á que está sometido o colectivo.

Esperamos que vos guste! Dentro do punto arco iris tamén hai expostos libros da biblioteca que se poden coller para préstamo!

“28 mulleres” é un xogo de cartas creado polo alumnado de 1º da ESO do IES de Teis con motivo da conmemoración do Día Internacional das Nenas nas TIC o pasado 25 de abril. En cada unha das súas partidas os/as xogadores/as deberán pescudar mediante pistas quen é a muller oculta. Para gañar, polo tanto, os/as participantes terán que esforzarse en coñecer, a través da información visual e escrita aportada polos naipes, a vida e obra de diversas mulleres senlleiras do ámbito das ciencias, as letras e as artes. Para a creación dos naipes empregáronse as imaxes de Brabxs da Universidade de Vigo.

Esperamos que o xogo estea dispoñible na biblioteca para o seu préstamo a partires da segunda metade de maio, unha vez rematemos coa impresión e plastificación dos naipes para que así podades desfrutar deste xogo de cartas.

O pasado xoves 25 de abril foi o Día Internacional das Nenas nas TIC. Para conmemoralo, a nosa compañeira Mercedes Pose xunto co seu alumnado de 2ºCMPCC encargáronse de decorar o punto lila para esta ocasión, facendo coma sempre unha labor marabillosa. Se todavía non puidéchedes velo, todavía podedes baixar a ver como quedou. Ademáis no punto lila están expostos varios documentos con información sobre esta efeméride por se lle queredes botar un ollo.