Clubs de lectura

O pasado luns 26 de febreiro, o Club de lectura tivo unha sesión para falar de Mutacións xenéticas de Fina Casalderrey. O protagonista, Hadrián realiza o seu bautismo de voo e pensa que as vacacións serán moi aburridas porque convivirá co seu avó, un estraño ser, ó que nin sequera coñece.

Finalmente, resultarán ser trinta días de abraiantes descubrimentos.

Arredor da nosa nova lectura, falamos moito pero tamén realizamos experimentos moi divertidos e sinxelos de facer: debuxos que flotan na auga, neve...

Vaise achegando unha nova sesión do Club de lectura, será o vindeiro luns, coma sempre ás tres da tarde na biblioteca.

Agardámosvos!

De man de Yumi, descubrimos como podemos adentrarnos no mundo de cosplay, quedamos abraiados con pezas relamente fermosas da súa propia creación e mesmo nos atrevemos cun brazal! Moitísimas grazas a Yumi, e tamén a Daniela e Aitor, alumna e alumno de Informática polo labor estupendo que están a facer co Club de Manga.

O luns 29 de xaneiro, Paula Carballeira estivo no noso centro para unha sesión de contacontos de medo organizada por Lorena Carrasco Joaquín, coordinadora da biblioteca e Lidia Soutiño Golmar, coordinadora do Clube de Lectura. O evento foi presentado por Carmen, Natalia e Saray, alumnas de 1º ESO.

Paula Carballeira é unha muller polifacética, con máis de 30 libros publicados, moitos deles traducidos a varias linguas e a maioría pensados para a infancia e xuventude. Tamén é actriz na compañia Berrobambán. É gañadora do Premio Nacional de Literatura Dramática con "As alumnas", dispoñible na biblioteca do IES de Teis.

Tivemos a sorte de recibir no noso Clube de Lectura á escritora galega Paula Carballeira. O encontro tivo lugar o pasado luns 29 de xaneiro antes da sesión de Contacontos.

Aproveitamos a súa visita para falar con ela sobre o seu libro "13 avisos. Contos para escoitar pola noite": alguhas historias dan moito medo e compartimos con ela as nosas sensacións. Tamén firmou algún libro da biblioteca, así que anímate a coller algunha obra de Paula Carballeira a ver si tes sorte e podes ler un libro con autógrafo.

Antes de rematar a tarde, Paula Carballeira pasou pola radio e foi entrevistada por Águeda, alumna de 4º ESO A. Foi moi interesante, explicounos o que sentiu cando gañou o Premio Nacional de Literatura Dramática e que quería transmitir con "As alumnas".