Novas

      Rematado o prazo de entrega de solicitudes para a escolarización do ano académico 2017-2018, informamos a todos os solicitantes de todos os cursos e niveis, que non será necesario entregar na Secretaría os documentos acreditativos dos criterios alegados por quedar prazas vacantes.

     Orde do 2 de febreiro de 2017 pola que se convocan axudas para a realización de actividades de formación en linguas estranxeiras no ano 2017, destinadas ao alumnado dos centros docentes sostidos con fondos públicos, en réxime de concorrencia competitiva.

    · O prazo para a presentación de solicitudes será do 28 de febreiro ata o 27 de marzo (incluído).

    · A información sobre este programa, así como a aplicación "en liña" que se refire na convocatoria, atoparase na páxina web http://www.edu.xunta.es/axudasle.

    Durante estas dúas últimas semanas, estamos a desenvolver no centro diversas actividades para recadar fondos que serán doados a entidades sen ánimo de lucro, como a Cociña económica, que axudan a familias con necesidades.

   Como estes anos atrás, podedes atopar na entrada do centro un lugar habilitado no cal deixar os vosos víveres ou útiles de aseo para a recollida solidadia que organiza a AMPA.

   Ao lado, na mesa que está xunto ás fiestras de administración, os departamentos de Economía e Xeografía e Historia teñen exposto o seu mercado solidario. Este mercado solidario está formado polos obxectos que doaron os alumnos e alumnas do instituto.

   Este ano corresponde facer a renovación bianual dos compoñentes do Consello Escolar do centro. Hai que renovar 1 representante do persoal non docente, 3 de alumnos, 1 de pais e 4 de profesores.

    Como primeiro paso do proceso procederase ó sorteo para a elección da Xunta Electoral, que ten como misión supervisar o proceso.

    Ese sorteo será público e terá lugar na Biblioteca do centro o venres día 28 de outubro ás 12:10.

O Equipo Directivo quere animar á participación tanto na presentación de candidaturas como no proceso de elección  para que toda a comunidade educativa poida participar na boa gobernanza  do centro.