Novas

Entrega dos Boletíns de Cualificacións

Xov, 19/06/2014 - 11:34

A entrega dos Boletíns de Cualificacións ó alumnado terá lugar o mércores 25 ás 12:30.

Os días 26 e 27, xoves e venres, de 9:00 a 13:00; son os días previstos para atender posibles reclamacións.

Ver normativa

50 ANIVERSARIO

Mar, 17/06/2014 - 01:50

O vindeiro mércores 18 de xuño ás 17 horas culminarán os actos de celebración do 50 aniversario da creación do instituto coa celebración dun Acto Académico que contará coa escritora e investigadora Ana Romero Masiá, ex-directora do centro, quen pronunciará a lección maxistral "De Camilo a Sofía". Asistirá o Alcalde da cidade, antigo alumno, así como representantes da Consellería e invitamos a compartir esta tarde a quen, por calquera motivo, tivera unha vinculación co instituto neste medio século de existencia (antigo alumnado, profesorado e persoal non docente)

GRADUACIÓN

Mar, 17/06/2014 - 01:03

O pasado 30 de maio os alumnos e alumnas de 2º de Bacharelato celebraron a súa titulación, recentemente acadada, así como a despedida do instituto. Nun Salón de Actos ateigado, os novos Bachareis, as súas familias e o profesorado disfrutaron de actuacións musicais, vídeos e emotivas mensaxes, e os titores e titoras entregaron as orlas da promoción. Agora que dá comezo a gran aventura do futuro dende a que foi a súa escola de vida desexámoslles moita felicidade no porvir.

Ver fotografías.

DATAS MATRÍCULA CURSO 14-15

Sáb, 14/06/2014 - 05:56

PARA ALUMNOS CURSANDO ESTUDOS NO CENTRO

30 de XUÑO	2º e 3º da ESO
1 de XULLO	4º ESO e 1º de Bacharelato
2 de XULLO	2º de Bacharelato

PARA ALUMNOS DE NOVO INGRESO NO CENTRO

25 de XUÑO	Colexio de Esteiro
26 de XUÑO	Colexio de Ponzos
27 de XUÑO	Colexio de Recimil
3 e 4 de XULLO	ESO e Bacharelato doutros centros

- O alumnado que estea pendente dos exames de setembro formalizarán a matrícula nese mes.

- Rógase ao alumnado que respecte o día que lle corresponda de matrícula

Axudas para a adquisición de libros de texto na ESO.

Xov, 05/06/2014 - 07:38

No DOG do 30 de maio de 2014 publicouse a Orde pola que se convocan axudas para adquisición de libros de texto na ESO, para o curso 2014-2015.

Hai dos prazos de solicitude:

Prazo ordinario: do 25 de xuño ao 28 de xullo - Para alumnos que aprobaron en xuño

Prazo extraordinario: do 2 de setembro ao 2 de outubro - Para alumnos que aprobaron en setembro

Para mais información DOG do 30 de maio de 2014.

Invitación ó Club de Lectura para adultos.

Mér, 23/10/2013 - 14:06

O Sofía coa traxedia do tren en Santiago, o Sofía con Laura

Ven, 26/07/2013 - 10:32

lazo_negro_bandeira Dende o 24 todos tiñamos un fondo pesar polo acontecido en Santiago. Hoxe soubemos que o drama afectou a Laura, unha das nosas alumnas de E.S.O. que viaxaba no tren. Ela salvouse afortunadamente, mais perdendo a dous familiares moi directos e queridos.

Unha fonda aperta a Laura, aos seus, ás demáis víctimas e os seus familiares e amigos.
E un recoñecemento a todos os voluntarios e profesionais que fixeron todo o posible por axudarlles nesas longas e difíciles horas.