IES RAMÓN CAAMAÑO CONTRA A VIOLENCIA DE XÉNERO
Este venres 24 de novembro alumnado e profesorado do IES Ramón Caamaño quixemos manifestar coa nosa presenza e as nosas voces, a nosa repulsa contra a Violencia de Xénero, sumándonos ós centos de micro e macro concentracións que sobre este tema se celebraron no noso país.
Acudimos á convocatoria de concentración que o Concello e o CIM (Centro de Información a Muller) de Muxía acordaron para ás 12:00 baixo o lema de "Espazos libres de violencias machistas" e "Muxía en negro".
Fixemos unha escolma, nos días previos, de frases, pensamentos e desexos dos nosos alumnos sobre a violencia de xénero que foron lidos no acto e que aparecen reflectidos máis abaixo. Cristina Quintáns, Yago Santos e Elias Valencia, foron os encargados de lelos.
Desde aquí manifestamos alto e claro unha vez máis: NON Á VIOLENCIA DE XÉNERO!!!
25 DE NOVEMBRO DÍA CONTRA A VIOLENCIA DE XÉNERO
Que o medo non che impida denunciar.
Non utilices a violencia.
Nin un só golpe máis, ponlle fin.
O machismo fóra deste mundo xá!
Máis amor e menos violencia.
Homes e mulleres, todos somos iguais.
O amor une ás persoas, nunca ata unhas a outras.
As mulleres non somos obxectos. Basta xa!
Ponlle fin para obter un principio.
A violencia é o último recurso do incompetente.
Cando maltratas a unha muller, deixas de ser un home.
O maltrato non é un bo trato.
Non teñas medo, estamos contigo, chama ao 016.
Falamos das mulleres como se foran bestas sen sentimentos. E non nos percatamos de que as bestas somos nós, os homes, cada vez que escoitamos a palabra “violencia de xénero”, e miramos para outro lado, como si fora algo natural. ¡Basta de mirar para outro lado! ¡Loitemos xuntos por unha sociedade sen violencia! ¡Non á violencia de xénero!
Cada muller é distinta, ninguén ten dereito a xulgarnos!
A violencia é o único recurso dos covardes.
Non trates co maltrato!
