CELEBRACIÓN DO MAGOSTO E DO SAMAÍN

CELEBRACIÓN DO MAGOSTO E DO SAMAÍN

O pasado 3 de Novembro celebramos o Magosto no noso centro e tamén aproveitamos para festexar o Samaín, que se vira perxudicado polo peche da Biblioteca desde onde tradicionalmente se dinamizaba este evento.

Léronse contos, historias de medo, fixéronse lecturas dramátizadas, vimos curtas de terror e suspense que nos fixeron levantar das cadeiras, xogamos a todo tipo de xogos populares: á rá, á petanca, ás carreiras de sacos, á sogatira, ós bolos, ós záncos, ós aros, ós trompos...ÁS CASTAÑAS NO CHOCOLATE!!!

Logo de moito sudar, correr, mover, compartir e rir, chegou o momento de "papar" as castañas e os bocadillos de chourizo que tan ben cociñaron Pablo o noso PT e Laura López.

Moitas rapazas e rapaces de axudaron a preparar e coordinar todo para preparar as comandas e servir e distribuir a comida e a bebida. Unha maravilla!!!

Tamén houbo personaxes salientables neste día, unha auténtica samaíña, Sofía Valiña, que veu ó centro totalmente disfrazada, e a visita inesperada do noso profesor de Xeografía e Historia do curso pasado Aleixandre Soto que deixou pegada entre todos nós.