MASTERCLASS EN BELA MUXIA. KEPA JUNQUERA-PAULA VILELA VIGO

MASTERCLASS EN BELA MUXIA. KEPA JUNQUERA-PAULA VILELA VIGO

Onte tivemos a sorte  de escoitar en Muxía a grandes figuras da Música Folk de Euskadi e de Galiza.
Pepe Formoso xerente do Albergue Bela Muxía foi o promotor dun evento máxico, multidisciplinar e multicultural onde grandes músicos, estudiantes e veteranos, deron o mellor de si, colaborando, improvisando, acompañando os diferentes ritmos, sons e intrumentos, aprendendo e disfrutando. Máis que un concerto os que alí estabamos presenciamos unha auténtica Masterclass.
O fío conductor e “alma” do “evento” foi Kepa Junquera, home polifacético e músico Vasco  mestre da Trikitixa; acompañárono Bieito Romero (Luar na Lubre, músico gaiteiro), Fernándo Fraga (músico acordeonista, compositor e director da Escola Municipal de Música de Cee), Santiago  Antelo  Bardullas (músico gaiteiro e profesor de música), Irma Macías (Voz Lírica), Leo KCH (Rapeiro), alumnos de Fernándo, de Santiago así como tamén, e sobre todo, Paula Vilela Vigo, alumna do noso centro, amante da música en xeral pero sobre todo da tradicional. Un auténtico orgullo. Tocou a pandeireta con Kepa Junquera.
Desde aquí animala a que siga a disfrutar e aprender da cultura tradicional, sentíndoa e innovándoa como parte súa.
Entre o público rendéuselle homenaxe o gran Pazos de Merexo.