Skip to Content

STEM

Gañadores nun dos retos de InnovatechFP 2023-24

O equipo de alumnado formado por Alicia Cabarcos e Sonia González do Ciclo Medio de Peiteado e cosmética capilar e Raúl Fraga e Alberto Cabana, estudantes do CS de Mecatrónica industrial, acompañados da directora do IES Perdouro María José Pardiñas, de Fernando López, profesor de Mecatrónica, e de Javier Rouco, coordinador do proxecto INNOVATECHFP 23-24 e profesor de Imaxe persoal, viaxamos ao recinto Expourense para recibir o galardón do programa InnovatechFP 23-24 da Consellería de Educación, que nos outorgou o primeiro premio na final celebrada na mañá de hoxe martes 18 de xuño por ter presentado e defendido un proxecto que deu resposta ao reto empresarial que a marca L’Oréal España-Portugal presentou ante 170 centros educativos da FP de Galicia na localidade de Culleredo a finais do ano pasado.

III Feira TecnoCienciArte 2024

O luns 10 de xuño celebrouse a III Feira TecnoCienciArte do IES Perdouro. Nesta edición podíanse visitar 24 postos con diferentes experiencias e proxectos que saíron das aulas para que o alumnado puidese mostrar as súas aprendizaxes á comunidade educativa. 

 

Aquí podedes ver máis fotos da feira. 

Os postos deste curso incluían: 

  1. Les Jeux Olympiques (Francés)
  2. Le Jeu de l'Alphabet e Les Victoires de la Musique (Francés)
  3. Intelixencia Artificial (Tecnoloxía)
  4. Robótica (Tecnoloxía)
  5. Enerxía solar fotovoltaica (Tecnoloxía)
  6. Luz + luz = escuridade? (Física)
  7. A pesca en Burela (Proxecto Competencial)
  8. A Guerra fría e a IIª Guerra Mundial (Xeografía e Historia)
  9. Oca Express (Relixión)
  10. Axencia de Viaxes e Caderno de Viaxes (Relixión)
  11. Tatoo Nails, Sweet Nails e Maquillaxe semipermanente (Imaxe Persoal)
  12. Estilismo masculino (Imaxe Persoal)
  13.  O arco da vella (coloración capilar) e Peiteando (peiteados e recollidos) (Imaxe Persoal)
  14. Cremas faciais e osiños de xabón (Imaxe Persoal)
  15. EmoXogos do Perdouro (Benestar Emocional e Convivencia)
  16. Noria e Tangram (Tecnoloxía)
  17. Estruturas, electricidade, mecanismos e scape room Mulleres na Ciencia (Tecnoloxía)
  18. Impresión láser (Mecanizado)
  19. Domótica do fogar e obradoiro de soldadura (Electrónica)
  20. Badiahs galegas - peiteados con trenzas africanas e o seu significado (CB Servizos Administrativos)
  21. Badiahs galegas - peiteados con trenzas africanas e o seu significado (CB Servizos Administrativos)
  22. Elaboración de ecoinstrumentos, instrumentos musicais mecánicos e presentación de instrumentos musicais (Música)
  23. Instrumentos musicais, retratos picassianos e personaxes con texturas (Plástica)
  24. Mesas de cultivo e composteiros (Bioloxía)

III Feira TecnoCienciArte: luns 10 de xuño

O luns 10 de xuño celebraremos a terceira edición da Feira da Ciencia, da Tecnoloxía e da Arte, Tecnocienciarte. 

Terá horario de mañá e de tarde. Todo o alumnado do centro visitará os distintos postos e tamén o farán estudantes de 6º de Educación Primaria. 

Pola tarde, estará aberta ás familias que queiran achegarse ao centro para ver os traballos e proxectos desenvolvidos este curso.  

A feira contará este ano con 24 postos nos que se poderá participar en scape rooms, kahoots, escoitar a exposición de diferentes traballos ou mesmo saír cun novo peiteado ou con algún agasallo. 

O plano da feira será o seguinte: 

 

 

 

Pílulas formativas do alumnado de Xeoloxía e Ciencias Ambientais de 2º de Bacharelato

O alumnado de Xeoloxía e Ciencias Ambientais de 2º de Bacharelato leva preparando nas últimas semanas breves pílulas formativas para explicarnoss de maneira doada algúns dos conceptos que estudan na aula. 

Con estes experimentos e exposicións gráficas entenderemos moito mellor a Xeoloxía e as Ciencias Ambientais. Grazas polo voso labor de divulgación. 

Aquí están os últimos vídeos que prepararon para explicarnos a densidade, a presión e a illa de calor: 

CanSat 2024

Estivemos no CanSatGal coa proposta dun grupo de alumnado de 4º de ESO e 1º de Bach coordinado pola profesora Marga López Periago.

CanSat é unha competición promovida pola Axencia Espacial Europea na que se reta ao alumnado de Secundaria a realizar unha simulación dun satélite desde a súa concepción ata o lanzamento ao espazo e posterior recollida de datos.
Este ano, en Galicia, competiron 140 estudantes de 23 equipos pertencentes a 19 centros educativos na fase rexional de lanzamento de satélites e entre eles nós.
Que é un CanSat? É unha simulación satélite integrada dentro dunha lata de refrescos. O desafío para o alumnado consiste en introducir nun espazo reducido os principais elementos dun satélite real, como a alimentación eléctrica, os sensores e o sistema de comunicacións. Logo da construción do noso prototipo "Foghete Pataqueiro 73_X", viaxamos ata o aeródromo das Gaivotas  en Cerceda para realizar o seu lanzamento. Había que lanzar o CanSat a unha altura aproximada dun quilómetro e deixalo caer desde unha plataforma mediante un dron, un globo cativo, un foguete ou calquera outro método. O experimento científico consistía en lograr unha aterraxe sen danos e a análise dos datos durante o descenso. Aterramos nun campo sen danos.
Posteriormente, houbo  que ir defender os resultados do proxecto, no que se valorou a parte de programación e de construción de hardware, así como a parte de comunicación e difusión das propostas.
Finalmente, o noso CanSat "Foghete Pataqueiro 73_X" gañou o premio ao mellor logro técnico na fase galega.
Accede ao noso albúm de fotos AQUÍ.

 

Gañamos a Olimpíada Robótica da Politécnica de Ferrol

O noso equipo Bonito-Bot gañou a III Olimpíada Robótica da UDC, que se celebrou o 14 de abril no CEIP Esteiro baixo a organización da Escola Politécnica de Enxeñaría de Ferrol (EPEF) e o Campus Industrial. Participaron 26 equipos das provincias da Coruña e Lugo, máis de cen alumnos de Bacharelato e ESO.

Os retos consistían nun sigue liñas con obstáculos, na proba do barrendeiro e nunha competición de Sumo.

Moitos parabéns a Hugo Gorgojo, Gabriela Chumacero, Iago Ramos, Lucas Casal, Candela Fernández e Cayetana Trelles, estudantes de primeiro de Bachillerato e ao seu profesor de Tecnoloxía, Santiago Pérez.

Premios para o IES Perdouro de traballos por proxectos e de convivencia e benestar emocional

Esta semana recibimos as noticias de que o labor do IES Perdouro foi premiado no IX Concurso de Traballos por Proxectos e no I Premio ConVivimos, ambos convocados pola Dirección Xeral de Ordenación e Innovación Educativa.

No contexto do PLAN LIA de Bibliotecas Escolares (Lectura, Información e Aprendizaxe) convocouse o IX Concurso de Traballos por Proxectos 2022-23 baixo a coordinación (ou coa participación) da biblioteca escolar. A finalidade do proxecto, de carácter interdisciplinario, foi a elaboración dun invernadoiro para o centro. Realizouse dun modo DIY (Do It Yourself – Faino ti mesmo), para que o proceso fora exportable e cadaquén puidese construílo na súa casa. Instalóuselle tamén a infraestrutura necesaria (sensores de temperatura, humidade etc) para realizar unha plantación de vexetais totalmente ecolóxica, aprendendo sobre os mesmos no relativo á data de plantación, coidados, recolección, usos e incluso análise da súa forma. Para todo isto empregouse un sistema de traballo que combina a busca e tratamento da información, o método científico e a aprendizaxe baseada en proxectos, de xeito que o alumnado, ao ir superando os distintos obxectivos do currículo, observaba unha finalidade no seu proceso de ensino-aprendizaxe, traballando distintos temas transversais e adquirindo as correspondentes competencias curriculares. Este proxecto, que comezou coa idea de construír un invernadoiro, foise desenvolvendo de xeito que se acadaron moitos outros fins, por iso recibiu o nome de: Construímos unha estrutura xeodésica e plantamos un fractal? - Construímos un invernadoiro e plantamos unha coliflor?”

Mes da ciencia en galego: obradoiro "A ciencia dentro dunha pompa de xabón"

O xoves 30 de novembro de 2023, a quinta hora da mañá, o alumnado de 3º da ESO A do IES Perdouro de Burela, foi á biblioteca para encontrarse con Marga, quen máis tarde lles explicou moitas curiosidades sobre as pompas de xabón. 

A actividade comezou cunha breve explicación sobre que é o xabón e de que está formado, e máis tarde falaron sobre como se facían as pompas e tamén sobre a tensión superficial. Tras a explicación leváronse a cabo varios experimentos. 

• O primeiro experimento consistiu na fuxida de materiais que flotan na auga ó estar en contacto co xabón: 

◦ Para isto puxéronse tres escarvadentes nunha cunca de auga formando un triángulo e tamén había que mollar un dedo en xabón; ó tocar o centro do triángulo co dedo enxabonado, os escarvadentes fuxían do xabón desfacendo así a forma xeométrica.

Obradoiro: "A ciencia dentro dunha pompa de xabón"

O xoves 30 de novembro o alumnado de 3º ESO asistirá a un obradoiro preparado por Marga L. Periago no que empregarán líquido xabonoso con fins científicos. Veredes como sairán pompas de diferentes formas e tamaños. 
 
Mais non só o alumnado de 3º ESO poderá desfrutar da elaboración de pompas. O venres 1 de decembro no recreo quen queira probar a crear burbullas con xabón que se achegue a Marga no patio.  
 

Novembro: mes da ciencia en galego

Melloramos a nosa ciberseguridade participando na V Ciberliga da Garda Civil

O alumnado de 4º de ESO participará na V CIBERLIGA da Garda Civil, na modalidade preamateur, que se desenvolverá no primeiro trimestre deste curso 2023-24. 

A Ciberliga é unha competición organizada en colaboración entre a Garda Civil e a Consellería de Educación, co obxectivo de concienciar ao alumnado en materia de ciberseguridade desde un enfoque real e práctico, mediante a posta en marcha dun proceso de gamificación, onde os participantes terán a oportunidade de aprender ciberseguridade xogando de maneira práctica e divertida. 

O alumnado organizarase en equipos de catro membros que afrontarán un divertido reto onde poderán demostrar as súas habilidades. A participación na V CIBERLIGA modalidade preameateur, organizarase do seguinte modo: 

A) Fase clasificatoria, a desenvolver on-line en dúas sesións. A primeira delas será unha sesión formativa que terá lugar o martes día 10 de outubro, de 11:45h a 13:45h, e consistirá nunha conferencia sobre o uso seguro e responsable das novas tecnoloxías que se impartirá en liña desde Santiago de Compostela para todos os centros participantes (Link: https://www.youtube.com/watch?v=9xzvd7xzI5E). Esta conferencia tamén estará dispoñible na plataforma MasterLabsCTF (https://ligagc.com/ ) de xeito permanente para que todo o estudantado poida visionala cando o desexe. 

Posteriormente, haberá unha segunda sesión práctica que consistirá no desenvolvemento dun ciber-reto. Os 5 mellores equipos clasificados (20 participantes aproximadamente) accederán á fase final.

O invernadoiro do IES Perdouro

Durante os dous últimos trimestres do curso 2022-23 construímos un invernadorio no IES Perdouro. Empregamos a biblioteca do centro como nexo de unión, coa participación da materia de Tecnoloxía co alumnado de 4º da ESO e as materias de Lingua Galega e Literatura (4º ESO), Inglés (4º ESO), 2ª Lingua estranxeira: Francés (3º ESO), Bioloxía e Xeoloxía (4º ESO – FPBásica), Matemáticas (2º e 4º ESO), TIC (4º ESO), EPeV (1º ESO), 1º CM de Mecanizado, CM de Peiteado e Cosmética Capilar, o departamento de orientación e o EDLG. Participaron tamén as familias do alumnado, sobre todo avós e avoas, que aportaron coñecemento e compartiron información de xeito interxeracional, engadindo unha importante dose de educación emocional. 

A finalidade do proxecto foi a elaboración dun invernadoiro para o centro. Realizouse dun modo DIY (Do It Yourself – Faino ti mesmo), para que o proceso fora exportable e cadaquén puidese construílo na súa casa. Instalóuselle tamén a infraestrutura necesaria (sensores de temperatura, humidade etc) para realizar unha plantación de vexetais totalmente ecolóxica, aprendendo sobre os mesmos no relativo á data de plantación, coidados, recolección, usos e incluso análise da súa forma. 

Para todo isto empregouse un sistema de traballo que combina a busca e tratamento da información, o método científico e a aprendizaxe baseada en proxectos, de xeito que o alumnado, ao ir superando os distintos obxectivos do currículo, observaba unha finalidade no seu proceso de ensino-aprendizaxe, traballando distintos temas transversais e adquirindo as correspondentes competencias curriculares. 

Este proxecto, que comezou coa idea de construír un invernadoiro, foise desenvolvendo de xeito que se acadaron moitos outros fins, por iso recibiu o nome de: Construímos unha estrutura xeodésica e plantamos un fractal? – Construímos un invernadoiro e plantamos unha coliflor?

Podes acceder a máis fotos do invernadoiro AQUÍ

Percorrido pola IIª Feira Tecnocienciarte


O luns 19 e o martes 20 de xuño celebrouse a IIª feira Tecnocienciarte, onde tivo cabida a tecnoloxía, a ciencia, as artes e, por suposto, as linguas. 

O percorrido constaba de 17 postos nos que o alumnado mostraba os resultados do seu traballo durante o curso:  

  1. Bingo da francofonía: 1º Bacharelato
  2. Unha viaxe por Francia: 3º ESO
  3. Ciclo Medio de Instalación de telecomunicacións: froitas musicais, carreiras de leds, instalación eléctrica dunha vivenda etc.
  4. Ciclo Medio de Peiteados e Cosmética Capilar: peiteados pin-up, coloración capilar, creacións de uñas pin-up e peiteados masculinos dos anos 50.
  5. Barco solar e coche solar de Tecnoloxía e Enxeñería de 1º de Bacharelato e App's xeniais con App Inventor de Educación Dixital de 3º ESO.
  6. Rampa de bólas, xogo de operación, estruturas de papel e videoxogos de Scratch de Tecnoloxía de 1º ESO. 
  7. "Océano", escultura en suspensión de Tecnoloxía de 1º ESO. 
  8. Competición de cubos de Rubik
  9. Proxectos de Tecnoloxía de 2º ESO: estruturas con variñas de papel, ábacos etc. 
  10. Trituradora de tapóns e extrusadora de plástico do Ciclo Superior de Mecatrónica Industrial. 
  11. Maquetas sobre a Prehistoria de 1º ESO
  12. Audioguía multilingüe de Lisboa de Lingua castelá e Xeografía e Historia de 4º ESO B2
  13. Esculturas na contorna de Ed. Plástica de 4º ESO e instrumentos musicais elaborados con plásticos de Música de 3º ESO.
  14. Cristalización do bismuto de Bioloxía, Xeoloxía e Ciencias Ambientais de 1º de Bacharelato.
  15. Mesas de cultivo, composteiros e aproveitamento das augas pluviais de Ciclo Básico de Fabricación e Montaxe. 
  16. Invernadoiro construído cunha estrutura geodésica e obradoiro de fractais de Tecnoloxía e Matemáticas de 4º ESO. 
  17. Recital en hologramas de Tecnoloxías da Información e a Comunciación e Literatura galega do século XX e XXI de 2º de Bacharelato.
A feira estivo moi concorrida xa que foi visitada por todo o alumnado, profesorado e persoal non docente do centro, polo alumando de 6º de Ed. Primaria do CEIP Virxe do Carme e polas familias. 
 
Podedes acceder ao álbum de imaxes AQUÍ

 

IIª edición de Tecnocienciarte

O luns 19 e o martes 20 de xuño celebramos a segunda edición de Tecnocienciarte, a feira de tecnoloxía, ciencia e artes, na que están incluídas por suposto as linguas, como vehículo de comunicación e como materia prima das artes. 

Durante estes dous días o alumnado do IES Perdouro, as familias e o alumnado do CEIP  Virxe do Carme poden visitar 17 postos nos que se mostrarán traballos, proxectos, experimentos... de Lingua francesa, Electrónica, Tecnoloxía, Mecatrónica, Xeografía e Historia, Lingua castelá, Plástica, Música, Bioloxía e Xeoloxía, Matemáticas, Tecnoloxías da Información e a Comunicación, Lingua galega etc. 

Fixádevos ben para saber cando vos toca visitala e tamén cando vos tedes que dirixir á biblioteca para asistir ao recital. 

 

 

 

 

Recital en hologramas: poesía galega do século XX e XXI

Para a semana das Letras galegas, desde as optativas de Literatura galega do século XX á actualidade e TIC de 2º de Bacharelato, preparamos un recital en hologramas. 

O alumnado elaborou unha escolma de poemas que lle gustaban especialmente ou que son emblemáticos dentro da literatura galega desta época. 

Polo momento, podedes ver as imaxe AQUÍ.

Durante a feira das ciencias e das artes do centro, agardamos realizar unha gravación do recital para que o poidades ver en vídeo. 

 

 

Distribuir contido


by Dr. Radut