Skip to Content

Que está acontecendo?

Obradoiro de Arte e Tecnoloxía

Dom, 31/01/2021 - 17:54 — karina

O mércores 13 e o venres 15 de xaneiro o alumnado de 3º e 4º de ESO realizamos un taller onde desenvolvemos a nosa creatividade e adquirimos coñecementos de programación. 

Comezamos o taller atendendo ás explicacións que nos daban sobre a arte, e aprendemos que unha idea creativa pode ser a clave do éxito. O que fixemos foi deseñar unha máscara intelixente, cunha función que non ten ningunha máscara hoxe en día. 

Ensináronnos dous modelos feitos por eles e despois, tocounos a nós. Formamos equipos e tivemos que crear a nosa propia marca, elaborar un prototipo dunha máscara e crear un slogan para ela. Para crear un bo produto tiñamos que seguir estes pasos: ... seguir lendo a crónica de Paula López Martínez – 3º ESO C no blogue de Perdourando.

  • 107 lecturas

Concurso de viñetas contra a violencia de xénero

Ven, 15/01/2021 - 21:35 — karina
No IES Perdouro temos organizado un concurso de viñetas contra a violencia de xénero para o alumnado da ESO e Bacharelato. Esperamos que haxa unha gran participación e uns traballos de calidade!

Ao longo do mes de marzo publicaremos as viñetas presentadas e os gañadores ou gañadoras de cada categoría.

 

 

BASES DO CONCURSO DE VIÑETA CONTRA A VIOLENCIA DE XÉNERO

1. Pode presentarse ao concurso calquera alumno ou alumna matriculado no IES Perdouro, establecéndose tres categorías:

  • Alumnado de 1º e 2º da ESO
  • Alumnado de 3º e 4º da ESO
  • Alumnado de 1º e 2º de Bacharelato

2. Cada participante poderá presentar un único traballo.

3. O formato debe consistir nunha única viñeta de banda deseñada, elaborada a man (non con programas dixitais) nunha cartolina branca DIN A4.

4. A viñeta presentada ao concurso terá que ser orixinal e estar escrita en linga galega.

5. A viñeta debe denunciar unha situación de violencia de xénero, en calquera das súas manifestacións (humillacións, golpes, insultos etc.)

6. A viñeta debe entregarse ou ao titor/a correspondente ou a Alba Monteagudo (profesora de Bioloxía), con prazo ata o 26 de febreiro de 2021.

7. O autor/a indicará, pola parte de atrás da súa viñeta, o seu nome e apelidos, así coma o curso ao que pertence.

8. As viñetas poderán ser publicadas nas redes sociais do IES Perdouro.

9. O xurado decidirá os gañadores do concurso ao longo do mes de marzo de 2021.

10. O autor/a gañador/a de cada categoría recibirá un agasallo.

  • 146 lecturas

"O sexismo no día a día. Cousa do pasado?" - Obradoiro de Antía Yáñez

Ven, 15/01/2021 - 18:04 — karina

O pasado venres 20 de novembro Antía Yañez veu impartir un obradoiro sobre o sexismo e o machismo. 

Que é o sexismo?

A diferenza entre o sexismo e o machismo é a ideoloxía, comportamento ou actitude que manifesta discriminación das persoas ou do seu sexo. Tamén é a ideoloxía ou estratexia que sustenta o machismo. Este é máis sutil e invisible. .. seguir lendo a crónica de Martín González Cabanas, 1º BAC B no blogue de Perdourando.

  • 121 lecturas

Felices festas!

Lun, 21/12/2020 - 14:54 — karina

 

 

Damos os parabéns ao noso alumno de 1º ESO , Gabriel Díaz Pernas, polo deseño da tarxeta do centro, á vez que queremos homenaxear á poetisa Luz Pozo Garza que nos deixou este ano.

  • 157 lecturas

Contos de medo

Xov, 26/11/2020 - 17:11 — karina

O alumnado de 1º de ESO cóntanos historias de medo e espanto. Un traballo feito en lingua castelá e recollido no seguinte muro:

Hecho con Padlet

 

  • 262 lecturas

Cartas ao futuro - Especial 25N

Lun, 23/11/2020 - 21:24 — karina

Para traballar a igualdade e concienciar sobre o problema social da violencia de xénero, desde a titoría de 1º A da ESO os alumnos e alumnas desenvolveron un bonito traballo chamado "Cartas ao fututo", que podedes ver no seguinte vídeo:

  • 333 lecturas

Auteures de la littérature française

Xov, 15/10/2020 - 18:33 — karina

 O alumnado de 2º de bacharelato fixo unhas presentacións audiovisuais sobre cinco escritoras do mundo das letras.

Katherine Pancol

Colette

 

Marguerite Duras

La comtesse de Ségur

Muriel Barbery

  • 24 lecturas

Maruxía 26

Mér, 15/07/2020 - 18:00 — karina
Logo do traballo dirixido por Natalia Irimia, coordinadora do Equipo de Dinamización en Lingua Galega, sae o nº 26 da nosa revista escolar. Maruxía está chea de cores e recensións de moitas das actividades realizadas ao longo deste ano atípico. Recolle as saídas educativas, os obradoiros, carteis informativos así como composicións (coplas, odas, cartas de ánimo e diario). 
Esta vez non imos contar coa versión en papel da revista mais inclue código QR que fai dela unha revista máis interactiva. Esperamos que poidades desfrutar da súa lectura. 
  • 636 lecturas

Maruxía 26

Ven, 26/06/2020 - 11:43 — karina

Publicada a edición dixital da nosa revista anual neste ano atípico.

O equipo de redación de Maruxía formado polo alumnado de 4º de ESO TIC traballo de xeito diferente para maquetar o número 26 da revista Maruxía. Esta vez a revista non irá a imprenta e non faremos tristemente ningún acto de presentación presencial como acostamos facer. Máis está chea de cores, bons recordos, crónicas de viaxes e saídas, e actividades realizadas durante o confinamento. Recolle as saídas educativas, os obradoiros, carteis informativos así como composicións (coplas, odas, cartas de ánimo e diario). 

Esta vez non imos contar coa versión en papel da revista mais inclue código QR que fai dela unha revista máis interactiva. Esperamos que poidades desfrutar da súa lectura. 
 
  • 499 lecturas

Videopoemas

Ven, 19/06/2020 - 10:10 — karina
Dende o Departamento de Lingua castelá, compartimos unha selección dos fantásticos videopoemas que crearon os artistas audiovisuais de 1º ESO. A participación foi elevada e todos os traballos de excelente calidade, aquí tedes unha mostra como exemplo. Esperamos que vos gusten e que os disfrutedes!
 
Hecho con Padlet
  • 280 lecturas

Maratón de ortografía

Xov, 18/06/2020 - 20:22 — karina
Aquí tedes os resultados do Maratón de ortografía organizado polo Departamento de Lingua castelá na semana do 9 ao 12 de xuño.
Foi unha dura competición e moi disputada entre o alumnado de 1º e 3º ESO. En hora boa a todos os participantes que souberon visualizar a meta sen desistir e parabéns aos premiados!
 
  • 336 lecturas

Representamos obras de arte

Mér, 17/06/2020 - 17:51 — karina
Este curso, ao alumnado de 3º da ESO tocounos estudar a arte do Renacemento e do Barroco pola vía telemática. Como complemento, levamos a cabo unha actividade que tiña como obxectivo familiarizarse con obras de arte destes dous períodos. Nesta actividade, os alumnos e alumnas participantes debían sacarse fotos representando distintas obras de arte. Para isto, cada un deles tivo que buscar unha obra axeitada e logo usar a súa creatividade para representala. E quedáronlles ben chulas! Finalmente, realizamos a montaxe dun vídeo con todas estas imaxes.


  • 479 lecturas

Cooperamos con Cruz Vermellla para paliar os efectos da emerxencia social

Dom, 14/06/2020 - 20:13 — karina
No marco do noso proxecto educativo de cooperación Na casa de papel, colaboramos con Cruz Vermella Burela. Fixemos chegar ás avoas e aos avós unhas cartas de ánimo redactadas polo noso alumnado de 4° ESO para paliar os efectos do confinamento causados pola pandemia. 
 
  • 817 lecturas

El libro de los relatos perdidos de Bambert - Exposición de globos de 1º ESO

Dom, 14/06/2020 - 12:48 — karina
Cando pisemos as rúas

Sería este un bo título para unha canción pop dos oitenta, agora que actualizamos o repertorio musical nacional, grazas aos balcóns. Mais, porén, é a frase que encabeza a maioría dos nosos propósitos nesta época que, parafraseando a Dickens, recordaremos como o mellor dos tempos, […] o peor dos tempos.

Atrás quedan, a medio camiño, os proxectos  planificados ao comezo do curso; as aulas baleiras, en cuxas paredes aínda resoan as voces do alumnado de 1º ESO lendo en voz alta; os fantásticos globos chineses, de diversas cores e tamaños, rendendo homenaxe aos soños de papel que o sensible escritor Bambert fixo voar polo mundo. Quen nos ía dicir que, ao igual ca el, viviriamos recluidos nas nosas casas.

Cando pisemos o instituto, alí estarán, esperándonos para darnos a benvida, tinguileando ao ar cando se volvan abrir a portas. Ese será o seu aplauso de recoñecemento a vosa afouteza e tesón durante todo este tempo que, grazas ao poder da literatura, pódese converter no mellor dos tempos. 
 
Yolanda Orjales Somoza - Profesora de Lingua Castelá
  • 733 lecturas

Día internacional dos océanos

Ven, 12/06/2020 - 21:52 — karina
O 8 de xuño se celebra o Día Internacional dos Océanos, unha data establecida pola ONU co obxectivo de recoñecer a importancia que teñen os océanos para todas as especies e para o equilibrio ecolóxico do planeta.
O alumnado de 4° da ESO uniuse a esta celebración participando na elaboración dun vídeo no que representan parte da enorme biodiversidade dos océanos. Con el queren poñer en valor a riqueza e beleza do medio mariño dende fermosas localizacións da nosa costa.


  • 691 lecturas
Distribuir contido


by Dr. Radut