O pasado venres asistimos a MEGABAU, o acto de recoñecemento aos mellores expedientes na ABAU de Galicia. O Coliseo da Coruña acolleu esta celebración organizada polas tres universidades galegas, na que se deron cita mozas e mozos chegados de toda Galicia para recibir unha merecidísima homenaxe.
Do IES O Carril foron convocadas Paula Cambre López, Alejandra Domínguez Rivas, Alicia García Ramallal e Noa Santiago Falcón. Aínda que só Noa e Paula puideron asistir, nós celebrámolo polas catro!
Moitísimos parabéns para elas e tamén para todas e todos os que vos esforzades cada día por dar o mellor de vós, independentemente de cales sexan os resultados. Sodes o noso orgullo.