2023-24

O martes 21 de novembro entre as 16.30 e as 17.50 h. o alumnado de 2° ESO,  acompañado polas súas
profesoras do Proxecto competencial, Xeografía e Historia e Lingua castelá e literatura, realizou unha visita guiada
por Carlos Abellán á exposición que comemora o 150ª aniversario da primeira liña férrea de Galicia entre Cornes e O Carril  (instalada temporalmente nas dependencias de  O Gato Negro).
Por certo, este edificio era a casa consistorial do  antigo concello do Carril.

Hai uns días o alumnado de francés de 2°, 3° e 4°ESO asistiu ao Fiestinema Junior organizado pola embaixada francesa en Compostela.
Vimos a película "SEULS", dirixida por David Moreau a partir da adaptación dunha banda deseñada para o cine. A verdade é que nos mantivo en suspense todo o tempo e que nos deu moito que debater á saída.

Aproveitamos a viaxe a Compostela para facer unha visitiña ao museo das peregrinacións e para percorrer as rúas do casco histórico buscando informacións sobre a cidade para completar a nosa folla de ruta. O mellor de todo: cada tres etapas, un premio terrorificamente doce. E, ao final, trofeo para os mellores equipos.
Aprendemos unha chea de cousas e pasámolo suuuuper ben!

Música: "Possible", de Jeff Kaale.

Convocatoria de axudas para facer as probas de acreditación de competencia lingüística en idiomas estranxeiros.

• Destinatarias/os: Alumnado de 4º ESO, 1º BACH e 2º BACH.

• Finalización do prazo de presentación da solicitude: 26/10/2023.

• Importante: Deben imprimir e presentar a "Folla de compromiso"asinada na Secretaría do centro.

O venres 22 o alumnado de 1º bacharelato de Artes foi o encargado de crear un mural nun acto organizado por CulturaActiva xunto co  Concello de Vilagarcía. O mural realizouse coa dirección de expertos en graffitti e cultura urbana da asociación Escola Vella de Noia e será o fondo do Acto Nacional dos Fondos Europeos que se celebrará hoxe 22 de setembro pola tarde na praza da II república con espectáculos diversos.