Como cada ano, o 23 de febreiro celebramos o Día de Rosalía de Castro. Nesta ocasión, propoñemos un concurso de marcapáxinas relacionada cos poemas da autora, que estarán colgados na entrada principal do instituto durante toda a semana, e unha homenaxe  no salón de actos do instituto , o venres 23. Ademais,este día entregamos os agasallos do concurso de marcapáxinas do Día de Rosalía, 2024 , que están expostas toda a semana do 23 no taboleiro da entrada do instituto.  Estas actividades están organizadas polo Equipo de Normalización Lingüística do centro, coa colaboración do Departamento de Tecnoloxía, e  nelas  pode participar todo o alumnado .

 Hoxe, luns 19 de febreiro, tivo lugar no salón de actos a entrega de premios das cartas do concurso "Dillo coa lingua". Dámos a noraboa ás gañadoras e as grazas a todos os participantes.

Un ano máis a comunidade educativa do IES Moncho Valcarce celebrou a chegada do entroido cun festival no que actuou alumnado da ESO e profesorado. Interpretáronse e bailáronse cancións de todos os estilos e gracias á anpa “Brixeo”  e ao concello degustamos orellas , freixós e chocolate.

Grazas a todos pola vosa participación.

Un ano máis , o noso centro prepárase para recibir ás festas do Entroido. Este ano, o tema elixido como referencia é “o fondo do mar”. Para elo elaboramos este mural no que participaron os alumnos de plástica coas súas aportacións sobre o tema.

Feliz entroido a tod@s

Quereremos seguir sendo galegos e ter unha cultura propia. Con esta finalidade , O Equipo de Dinamización da Lingua e o Departamento de Debuxo, botamos a andar este curso o 1º concurso de caretas de Entroido co lema “  1º Concurso de caretas tradicionais de Galicia”.

Unha vez máis, os nosos alumnos mostraron interese en coñecere as caretas máis representativas do Entroido das diferentes comarcas galegas, ademais de demostraren ser moi habilidosos nos seus traballos, tal como podemos comprobar no resultado dos seus traballos expostos no taboleiro da entrada principal do instituto.

Noraboa aos gañadores e disfrutar moito do Entroido.

Chega o San Valentín e ,como todos temos un pequeno corazonciño, puxemos en marcha un ano máis dende a Biblioteca do instituto, o Departamento de Galego e o Equipo de Dinamización lingüística  a convocatoria “Dillo coa lingua”. O noso  obxectivo é que toda a comunidade educativa exprese na nosa lingua os seus sentimentos de amor ou amizade en forma de carta e os faga chegar á persoa/s que máis estima. Ademais expoñemos no taboleiro  da entrada do instituto breves frases feitas polo alumnado  sobre o que significa o amor para eles. Aquí tamén colocamos a caixa de correos onde depositarán as súas cartas que logo repartiremos polo instituto á volta do Entroido, xa que este ano temos vacacións o día de S. Valentín.

Amor  e afecto para toda a nosa xentiña!

O alumnado de todos os niveis baixou á entrada do centro durante a sesión de clase de francés e nalgún caso coincidindo con outras materias, para participar na elaboración e degustación das famosas “crêpes” francesas con motivo do día de “la chandeleur” que se celebra en Francia o 2 de febreiro.

Entendemos que se trata dunha actividade interesante para os alumnos de todos os niveis xa que fomenta a súa participación activa e  serve para dar a coñecer unha parte das tradicións francesas.

O programa de saúde pública  que se desenvolve na ESO é unha ferramenta que nos axuda a potenciar a competencia social  do noso alumnado. Este curso analizarase a importancia do grupo social , a pertenza a un grupo e os aspectos clave da presión de grupo. A convivencia é un dos factores primordiais para garantir unha boa competencia social e cívica. Formar parte dun grupo precisa coñecer o seu funcionamento para identificar os diferentes roles e poder expresarse sen ningún tipo de coacción evitando a presión do grupo.

O alumnado visitou a Universidade de Santiago realizando diferentes itinerarios segundo as súas preferencias. Recibiron información sobre as titulacións ofertadas e tamén visitaron a residencia universitaria Burgo das Nacións. Esta visita permitiulles ter un primeiro contacto coa vida universitaria.

Co gallo da celebración do Día Internacional da Paz e Non Violencia (30-01-24) e por iniciativa do alumnado colaborador coa nosa biblioteca escolar elaborouse unha exposición baixo o título "Mandalas pola Paz". Pasade a visitala!!! Merece a pena!!! Grazas a tod@s por esta suxestiva aportación.