Hoxe repartíronse os premios do I Concurso de Xogos Terroríficos organizado polo Club de Ciencia. O alumnado empregou os recreos da semana pasada para deseñar e elaborar xogos de mesa con temática de Samaín. A decisión foi verdadeiramente difícil, xa que o nivel das propostas foi moi elevado polo que non só queremos felicitar aos gañadores e gañadoras, senón a todo o alumnado participante, pola súa implicación, creatividade e esforzo. Pronto vos proporemos novos desafíos!

O benestar emocional está a converterse nunha ferramenta que nos axuda a descubrir os nosos sentimentos e a recuperar  as prácticas sociais que favorecen a convivencia. Convivir coas nosas emocións fortalécenos e axúdanos a medrar favorecendo a autonomía persoal e social.

É importante coñecernos a nós mesmos e descubrir  como actuamos en situacións de incerteza e risco e como saír reforzados ante as adversidades. Este programa axuda ao alumnado a asumir a responsabilidade que todos e todas temos se queremos acadar unha escola restaurativa e transformadora.

 Samuel. contacontos de orixe camerunés presenta unha actividade dirixida ao alumnado de 1º da ESO.

Trátase de tres relatos curtos nos que o contacontos fai intervir ao alumnado e amósalle dun xeito sinxelo  unha aprendizaxe ou consello en cada conto. A actividade desenvólvese cun certo aspecto lúdico que fai que resulte moi divertida para o alumno.

                                         i.   

S

Un ano máis preparámonos para celebrar a festa do Samaín 2024. O mércores de 12 a 12.30 a ANPA Brixeo repartirá ao alumnado boliños preñados e batidos de chocolate. Aproveitamos para darlles as grazas por contribuír a que continúe celebrándose esta tradición no noso centro.

O alumnado de 4º ESO das materias de Tecnoloxía e Bioloxía e Xeoloxía realizou hoxe unha saída á A Coruña cunha dobre finalidade: participar no XIV Taller e concurso galego de robótica e visitar o museo científico da DOMUS.  Mentres que o alumnado de Tecnoloxía tivo a oportunidade de aplicar os contidos traballados sobre programación de robótica, resolvendo retos en equipo, o alumnado de Bioloxía e Xeoloxía puido ampliar os seus coñecementos sobre a orixe do Universo, a neuroloxía e a xenética, dun xeito activo e participativo.

A Comunidade Educativa do IES Moncho Valcarce desexa que este novo curso académico sexa bo e proveitoso! 

O xoves, 13 de xuño, ás 17:30 horas tivo lugar no Salón de Graos da Facultade de Filoloxía de Santiago de Compostela o acto de entrega de premios e diplomas dos concursos de SEECGalicia 2024.

Este foi o programa do acto: 1. Actuación musical do guitarrista Rubén Caneiro. 2. Intervención das persoas que presiden o acto: – Xosé Carracedo Fraga, Presidente de SEEC-Galicia. – Benedict Buono, Director do Departamento de Filoloxía Clásica, Francesa e Italiana da USC. – Elías Feijó Torres, Decano da Facultade de Filoloxía da USC. 3. Entrega de premios da XIX edición do concurso Odisea. 4. Entrega de diplomas e de premios da IX Olimpíada de Tradución de Textos Clásicos. 5. Viño de honor.  

Parabéns!!!

Pechamos as actividades de Dinamización Lingüística deste curso 2023/2024 entregando os premios do III Concurso de Esopías. Esta actividade foi posible grazas á colaboración do Departamento de Matemáticas e o Departamento de Lingua Galega co Departamento de Normalización Lingüística. Cinco alumnas de 2º e 3º de ESO foron as premiadas.

Noraboa a todas!!!