Educación médica e sexual no Camballón
Enviado por admin o Mér, 03/12/2014 - 18:22O 21 de novembro desprázaronse ata o noso centro un grupo de máis de 20 estudantes de Medicina da USC para realizar actividades sobre educación sexual e primeiros auxilios, dentro do proxecto denominado MERSH. Participou nelas o alumnado de 3º e 4º de ESO, que se amosou moi satisfeito con esta iniciativa da Biblioteca. Pódese ampliar información sobre ela no seu blog, Abre os ollos.
III Concurso de relato breve
Enviado por admin o Mér, 05/11/2014 - 19:12
Un ano máis, a Biblioteca do noso centro convoca o III Concurso de relato breve, que este ano co título de "Sígueme" propón darlle continuidade a un comezo que o narrador e poeta Fran Alonso tivo a xenerosidade de escribir especificamente para o alumnado do noso instituto.
O prazo para entregar os relatos remata o día 1 de decembro. Podedes consultar as bases completas no blog da biblioteca.
Concurso CambaNet 2014-15
Enviado por admin o Xov, 16/10/2014 - 18:08Por vez primeira, a biblioteca do IES Marco do Camballón e os departamentos de Lingua Galega, Matemáticas, Ciencias Sociais, Latín e Grego, Relixión, Música, Educación Física, Plástica, Orientación, Lingua Castelá, Filosofía e o EDLG convocan o concurso CambaNet 2014-2015. Os seus obxectivos son:
Premios extraordinarios de Bacharelato
Enviado por admin o Dom, 12/10/2014 - 07:47O IES Marco do Camballón quere felicitar a súa alumna Isabel Carmoega Taboada, que acaba de obter un premio extraordinario de bacharelato, dotado con 1000€. Estes premios son
convocados pola Consellería de Educación e pode concorrer a eles todo o alumnado que obtivese unha media igual ou superior a 8,75 puntos no bacharelato. Concédense un máximo de 20 premios para toda Galicia e é indispensable acadar unha cualificación mínima de 21 puntos.
Pódense consultar todas as cualificacións definitivas nesta ligazón.
Club de lectura
Enviado por admin o Dom, 05/10/2014 - 09:22Un ano máis, a biblioteca do centro pon en marcha o seu club de lectura, denominado Cambaleón.
O prazo para anotarse remata o 8 de outubro.
Axudas do Ministerio de Educación
Enviado por admin o Mar, 16/09/2014 - 12:46O 30 de setembro remata o prazo para solicitar as axudas do Ministerio de Educación y Ciencia 2014-15 para o alumnado que cursa Bacharelato, Formación profesional básica ou Ciclos formativos.
PAU: 100% aprobados e 9º posto de Galicia
Enviado por admin o Ven, 04/07/2014 - 12:13Despois da publicación dos resultados definitivos das PAU, o alumnado do IES Marco do Camballón obtivo o posto número 9 dos 278 centros que se presentaron a estas probas. Parabéns a todas e todos!
Así recolleron a noticia La Voz de Galicia e Faro de Vigo.
Contratación do servizo de cafetería para o curso 2014-15
Enviado por admin o Sáb, 28/06/2014 - 14:18Entre o 30 de xuño e o 4 de xullo poderase entregar na administración do IES "Marco do Camballón", en horario de 10:00h a 13:00h, toda a documentación necesaria para concorrer ao concurso público do servizo de cafetería deste centro.
Normas da biblioteca en vídeo
Enviado por admin o Mar, 27/05/2014 - 13:31Agora pódense coñecer as normas básicas de funcionamento da biblioteca dun xeito máis cómodo a través deste vídeo:
Aprendendo Xenómica con Ángel Carracedo
Enviado por admin o Xov, 22/05/2014 - 12:38Este martes 20 de maio tivo lugar a conferencia sobre Xenómica do doutor Ángel Carracedo que organizou a Biblioteca do noso centro. Celebrouse no auditorio Xosé Casal e a ela asisitiron, ademais do noso alumnado, outro dos institutos Aller Ulloa e Laxeiro de Lalín así como nais, pais e outra xente do contorno. A sesión prolongouse durante 2 horas, máis do previsto, debido ao interese que suscitou a charla entre o alumnado, que formulou numerosas preguntas. A gravación do acto completo pódese ver desde o blog da biblioteca. Tamén recolleron a noticia os xornais La Voz de Galicia e Faro de Vigo.
- « primeira
- ‹ anterior
- …
- 15
- 16
- 17
- 18
- 19
- 20
- 21
- 22
- 23
- seguinte ›
- última »