No pasado mes de xuño, iniciouse o proceso de tramitación dos expedientes de contratación das cafeterías escolares de Galicia, que está rexido pola Lei9/2017, de 8 de novembro, de Contratos do Sector Público, pola que se transpoñen ao ordenamento xurídico español as directivas do Parlamento Europeo e do Consello 2014/23/UE, do 26 de febreiro de 2014.

A demora no inicio de dito proceso e a obriga de cumprir uns prazos determinados de tramitación en cada unha das etapas do concurso, fai que comecemos o curso sen servizo de cafetería no IES Marco do Camballón.

 Tras realizar as consultas oportunas, a única información da que dispoñemos é que a contratación non se producirá antes de mediados de outubro.

 En consecuencia, dende a dirección do centro queremos trasladarlles ás familias as seguintes suxestións:

• Recomendamos que o alumnado traia da casa a merenda do recreo.
• Os luns e mércores aqueles alumnos/as que non estean inscritos no comedor escolar deberán traer a súa comida da casa. O centro poñerá a disposición do alumnado un comedor na hora do xantar.
  

Dado que o centro se incorpora este ano ao programa de educación dixital en 1º de ESO (E-Dixgal) e, polo tanto, as familias non recibirán a axuda da Xunta, é necesario comprar os seguintes libros:

• Inglés: Mosaic 1 student's book, Ed. Oxford, ISBN: 9780194666107 + Mosaic 1 workbook, Ed. Oxford, ISBN: 9780194666114
• Plástica: Observar, comprender, expresar – Nivel  I, Ed. Sandoval, ISBN: 978-84-943542-2-9
• Francés: Parachute-Livre de l’élève 1, Ed. Santillana, ISBN: 978-84-96597-97-6 + Cahier d’exercices,  ISBN: 978-84-96597-99-0

Por outra parte, o centro dispón, dentro do seu banco de libros, dos de Xeografía e Historia (Vicens-Vives – Dous tomos, ISBN: 978-84-682-3121-1) e Bioloxía e xeoloxía (Ed. Anaya, ISBN: 978-84-678-5181-6), de modo que non é necesario que as familias os compren (a non ser que queiran facelo voluntariamente). 

O luns 17 de setembro de 12:00h a 13:00h realizarase a presentación para todos os grupos de ESO, bacharelato, FP básica e ciclos medios de Soldadura e Atención á dependencia. Haberá transporte escolar.

O martes 18 comezarán as clases no horario ordinario para todos as ensinanzas e grupos.

Nas seguintes ligazóns pódese consultar a listaxe de libros de texto para o curso 2018-19:

• 1º de ESO
• 2º de ESO
• 3º de ESO
• 4º de ESO
• 1º bacharelato
• 2º bacharelato 

No arquivo anexo pódense consultar os horarios detallados dos exames de setembro, que se celebrarán o luns 3 e mais o martes 4.

A avaliación será o mércores 5 (ver horarios detallados) e a entrega de notas, o xoves 6 ás 10,00 horas.

O prazo de matrícula de setembro comezará o xoves 6 despois da entrega de notas e rematará o venres 7 ás 13:00h.

Os prazos de matrícula para o curso 2018-19 son os seguintes:

• 1º Ciclo formativo:
• presentación de solicitudes de admisión do 25 de xuño ao 3 de xullo ás 13.00h.
• matrícula:
• 1ª adxudicación do 17 ao 24 de xullo
• 2ª adxudicación do 27 ao 31 de xullo
• 2º Ciclo formativo, ESO e bacharelato: do 25 de xuño ao 4 de xullo (ambos incluídos). Debe facerse no IES Marco do Camballón en horario de 10h a 13h.
  

Remate das clases: 21 de xuño

Avaliacións:

- 2º CM Soldadura, 2º CM APSD e 2º FP básica: 18 de xuño

- ESO, 1º bach., 1º CM Soldadura, 1º CM APSD e 1º FP básica: 22 de xuño

Entrega de notas: luns 25 ás 11h (non hai autobuses)

Reclamacións: 25, 26 e 27 de xuño

A canle de promoción da lectura creada o curso pasado polo Departamento de Lingua galega e literatura, Camballón entre liñas, conta xa con novas producións do alumnado de 1º de bacharelato, que traballou sobre narrativa actual, e 2º de bacharelato, que abordou distintos autores e autoras da poesía dos anos 80 e 90. Pódense ver desde aquí.

Acaba de saír do prelo o primeiro número de Marco Numérico, publicación de investigación matemática impulsada polo Departamento de Matemáticas do IES Marco do Camballón, que pretende ofrecerlle ao alumnado do segundo ciclo de ESO e, especialmente, ao de Bacharelato a realización e publicación dos seus propios traballos de investigación, suxeitos aos estándares de profundidade, rigor e forma habituais do mundo académico.

Trátase dunha publicación aberta a artigos científicos escritos en galego e ten carácter anual. Este primeiro número difunde sete artigos do alumnado de 2º de bacharelato e conta cun limiar de M. Elena Vázquez Cendón, profesora titular do Departamento de Matemática Aplicada e Decana da Facultade de Matemáticas da USC. 

Para os vindeiros números prevese abrir a participación a outros centros de ensino.

Pódese ver a publicación íntegra nesta ligazón.