DESCARGAR CALENDARIO EN PDF

Xa está publicado o calendario do proceso de admisión das probas libres de títutlos de LOE/LOXE de Formación Profesional. Convocatoria 2023-2024. Pode consultarse toda a información AQUÍ.

Aberto o prazo dende o 19 de marzo ao 10 de maio de 2024 para a solicitude das bolsas xerais do Ministerio de Educación e Formación Profesional. 

As axudas están dirixidas ao alumnado de: 

• Bacharelato
• Cursos de acceso e de preparación para probas de acceso á FP e cursos de formación específicos para acceso a ciclos formativos de grao medio e superior, impartidos en centros públicos e privados concertados
• Formación Profesional de grao medio e de grao superior
• Ensinanzas artísticas: profesionais e superiores
• Ensinanzas de idiomas en Escolas Oficiais, incluída a modalidade a distancia
• Ensinanzas deportivas
• Estudos relixiosos superiores
• Formación Profesional de Grao Básico

Resolución da convocatoria AQUÍ

Podes ampliar información aquí ou poñerte en contacto co Departamento de Orientación do centro.

INFORMACIÓN DE INTERESE PARA O ALUMNADO DE  4º ESO E 2º BACHARELATO

A Dirección  Xeral de Ordenación e Innovación Educativa publica unha RESOLUCIÓN onde dita as instrucións de Acreditación das competencias dixitais para o alumnado de 4º ESO e 2º Bacharelato.

Achegamos un RESUME esquemático dos contidos máis importantes  da mesma:

O alumnado de 4º da ESO que titule este curso, recibirá de oficio  un certificado de Competencias dixitais nivel Iniciación.

O alumnado de 2º da BACHARELATO que titule este curso, recibirá de oficio  un certificado nas áreas de dominio 1,2,3 e 5 do nivel intermedio

Ademais:

O alumnado que está cursando 4º da ESO pode participar nas probas especificas  para acreditar as competencias dixitais de nivel intermedio        

-data límite de inscrición:  15 de marzo (modelo de solicitude dispoñible na Secretaría deste Centro).

-data da proba:                 mes de maio

-duración da proba:           90 minutos

O alumnado que está cursando 2º de bacharelato pode participar nas probas específicas para acreditar a área de dominio 4 (seguridade e privacidade) de nivel intermedio.

-data límite de inscrición: 15 de marzo  (modelo de solicitude dispoñible na Secretaría deste Centro).  

-data da proba:                  mes de abril

-duración da proba:            20 minutos

Os certificados de Competencias dixitais caducan aos 5 anos. 

Máis informacion sobre o marco galego de competencias dixitais AQUÍ

O xoves 7 de marzo recibimos a visita de Juan Manuel Soutelo e Manuela Gestoso en representación da Cruz Vermella A Estrada para facerlles entrega dos 200 euros recadados a través do proxecto CORAZÓN SOLIDARIO. Durante a semana do 19 ao 23 de abril un grupo de alumnos e alumnas de 3º e 1º ESO recadou este diñeiro coa venda de cartas e bombóns no mes do amor e da amizade. A colaboración e participación da comunidade educativa foi excepcional e o traballo do equipo organizador, exemplar. Parabéns a todos e a todas: Iago Cabaleiro, Enma Villanueva, Iván Barbeito, Lía González, Andrés Duro, Manuel Matalobos, Lía Rey de 1º ESO e Laura Álvarez, Carla Calviño, Hugo Cao, Marta Vilas, Ainhara Mata e Xián Torres de 3º ESO.

Maís fotos AQUÍ

Desde este luns, unha selección de 20 retratos do proxecto Mulleres Valentes da artista estradense Rosa de Cabanas están expostos no corredor da Biblioteca do centro, aos que se suman 3 paneis informativos da mostra. Para achegar o alumnado á mostra deseñouse tamén un caderno de actividades sobre a mesma, que estará no centro ata o día 22.

A actividade complementouse cunha charla da propia autora do proxecto que se achegou o mércores 6 ao centro educativo para explicar ao alumnado de 3º e 4º ESO os detalles, obxectivos e característas da exposición e do seu traballo en xeral.

Ademais na Biblioteca do centro instalouse unha mesa violeta con diversas publicacións de mulleres ou referidas a elas.

Estas actividades encádranse dentro do obxectivo do centro de poñer o foco  nesta data no traballo que desenvolveron e desenvolven mulleres de todos os ámbitos sociais, profesionais e culturais, en moitos casos descoñecidos polo comunidade educativa e pola sociedade en xeral.

Dirixido a alumnado doutros centros que estea interesado en facer os seus estudos para o curso que ven no IES Plurilingüe Antón Losada Diéguez (cursos 2º, 3º, 4º ESO e 1º e 2º BACHARELATO). 

PRAZO DE PRESENTACIÓN DE SOLICITUDES

Do 1 ao 20 de marzo ambos incluídos.

DOCUMENTACIÓN A PRESENTAR

Solicitude cuberta e asinada dispoñible no centro, na aplicación admisión alumnado ou na sede electrónica da Xunta de Galicia. 

Copia do DNI ou NIE do/a alumno/a.

Copia do libro de familia ou documento acreditativo dos membros da unidade familiar.

CALENDARIO DE PUBLICACIÓN DA LISTAXE DE ADMITIDOS E PRAZOS DE RECLAMACIÓN

Publicación da listaxe provisional:  25 abril.

Prazo de reclamacións: 5 dias hábiles posteriores a da de publicación da listaxe.

Publicación da listaxe definitiva de admitidos: 15 de maio.

PRAZO DE FORMALIZACIÓN DA MATRÍCULA ORDINARIA

Do 23 de xuño ao 7 de xullo.

Pub

P

O IES Pl. Antón Losada Diéguez recibiu o XI premio do Padroado da Fundación Down Compostela xunto con Ofelia Vieites García e El Corte Inglés de Santiago de Compostela.
O centro quere expresar a súa ledicia e tamén o agradecemento a Down Compostela por este recoñecemento que ven poñer en valor o esforzo do centro e os seus equipos docentes por acadar un ensino diverso e integrador, sempre na procura de metodoloxías que posibiliten estas realidades.

A xustificación de dito Padroado foi a seguinte:
Premio Down Compostela 2024 ao IES Antón Losada Diéguez
No IES Antón Losada saben como poñer o foco no contexto educativo e non nas dificultades da persoa, como puideron comprobar Sara Romero, no seu momento, e agora Fabián de Paz, nas aulas de formación profesional.
Este centro da Estrada favorece que o alumnado con necesidades educativas desenvolva as súas capacidades e habilidades ao máximo para conseguir unha calidade de vida digna. O equipo docente sabe que é necesario instaurar novas metodoloxías educativas e cambiar estruturas para fomentar unha inclusión real.
Entender que detrás do alumnado con síndrome de Down ou discapacidade intelectual hai soños, ilusións e capacidades é o primeiro paso para que o sistema educativo sexa realmente accesible e inclusivo.
No IES Antón Losada as persoas con discapacidade contan.
Na páxina da Fundación pode consultar máis información sobre este tema.

Axudas dirixidas ao alumnado para a realización de actividade de formación en linguas estranxeiras (ano 2024)

A Consellería de Cultura, Educación, FP e Universidades acaba de publicar a convocatoria de axudas para a realización de actividades de formación en linguas estranxeiras, dirixida ao alumnado de 1º ou 2º de bacharelato. O prazo de presentación de solicitudes está aberto dende o 13 de febreiro ata o 12 de marzo (incluído). Para ampliar información podese consultar un “Cartel informativo” sobre as axudas, a convocatoria publicada no DOG e a aplicación para realizar a solicitude.

Un ano máis o Losada celebrou o agardado entroido. Neste curso o alumnado de 4º ESO A realizou un completo programa de actividades para todos os días da semana. Día do complemento, día do vermello, día do pixama, día de gala e o concurso e festa final de entroido o venres 9 de febreiro.

Esta programación provocou unha moi participativa resposta da comunidade educativa, que culminou o venres cun concorrido concurso de disfraces e unha animadísima festa. 

A organización do alumnado de 4º merece cualificarse como excelente así como a resposta e compromiso do resto do alumnado. Abaixo podes ver e descargar as mellores fotos do evento, realizadas por Noel Ramos Caramés.