Un ano máis o alumnado do noso centro fixo acto de presenza nas montañas do Courel. Coma noutras ocasións o noso centro de operacións foi o albergue de Folgoso e alí estivemos do 25 ó 27 de xaneiro.

E claro, nada máis chegar procedimos a invadir a vila

Subimos ó monte Formigueiros que cos seus 1641m é o teito do Courel. Aquí estamos collendo folgos...

E aquí xa chegamos á cima, rebentados, pero chegamos!!

Tamén percorrimos a Devesa da Rogueira, fermoso bosque atlántico de acivros, faias e teixos.

E chegamos á Fonte do Cervo que co frío que facía estaba conxelada

No albergue pasamos as noites entre xogos

Visitamos unha fervenza

E, anque nolo puxo moi difícil, acabamos entrando na Cova da Ceza, verdadeiro motivo da nosa viaxe.

Para rematar visitamos o Cebreiro como non podía ser doutro xeito. Nevando!!

Entre os días 3 e 6 de decembro tivo lugar en Alacante o "Campionato de España de Taekwondo por clubes 2022"

E nese campionato participou a nosa querida alumna Nuria Rodríguez Iglesias de 3ºA acadando dúas medallas:

• Bronce en freestyle individual  -17
• Ouro en freestyle quinteto  +12

Dende o Illa de Ons a nosa noraboa e moito ánimo para seguir practicando taekwondo. Parabéns Nuria!!

Nota: se revisades o historial desta páxina veredes que Nuria segue a tradición familiar pois xa a súa irmá Iria amosaba o seu alto nivel no mundo do taekwondo coa súa participación no Campionado de España no ano 2021...

Anque inicialmente programada para o día 19 de setembro, o pasado 3 de outubro tivo lugar a tradicional andaina co alumnado de 1º polos montes de Ermelo e a Paralaia. Acompañados por un grupo de 7 profesores e coa participación case completa do novo alumnado, a xornada transcorreu sen incidencias e desfrutando dun día propio do verán.

Aquí os tedes, camiño da Paralaia. Había fame e subían con gañas de chegar para xantar.

E aquí están, coa ría de Vigo ás costas.

Despois de xantar comezamos o descenso a carón do río Bispo

E xa chegando a Bueu, pasando por algúns muíños

Despois de dous anos de parón a causa da pandemia, a nosa rapazada volveu desfrutar da neve na estación invernal de Leitariegos. Desta volta participaron 56 alumn@s (1/3 do noso centro!!), bastantes máis que ningún outro ano. Aquí van algunhas fotos:

A tres semanas da viaxe a Leitariegos a principal preocupación é que teñamos neve. A día de hoxe a estación está funcionando e anque só hai neve nas pistas principais, impártense cursos con certa normalidade. Aquí vai unha foto do martes 8 (hai 2 días)

E na previsión metereolóxica parece que poida haber nevadas entre o domingo  13 e o luns 14.

Como vedes hai posibilidade de nevada neses días a partir de 1000-1100m de altitude, e a estación está entre os 1500m e os 1800m.

A ver se temos sorte. Ánimo rapaces!!