IES Faro das Lúas | Aprendendo

23 ABRIL. DÍA DO LIBRO 2021

Ven, 2021-04-23 23:44

Un ano máis, no IES Faro das Lúas celebramos o Día do Libro levando a cabo distintas actividades relacionadas coa lectura. Desde a Hora de ler ata os Clubs de Lectura, pasando polas lecturas de Inglés, Francés, Lingua Galega e Lingua Castelá, no noso centro sabemos que ler é un pracer todo o ano.

FORMACIÓN DE MEDIADORES/AS

Mér, 2021-04-21 22:52

Este martes deron comezo as sesións de formación do noso equipo de mediación e tivemos o pracer de contar con Mónica Vélez. Foi unha sesión moi práctica e dinámica, de dúas horas de duración, na que os rapaces amosaron moito interese en aprender e formarse en mediación.

O próximo martes seguirán aprendendo máis sobre o conflito e as técnicas de mediación.

ENQUISA CONVIVENCIA ESCOLAR

Xov, 2021-04-15 12:42

ENQUISA CONVIVENCIA 2021-2020

A convivencia escolar é unha preocupación na que se está a traballar arreo nos últimos ano. No senso de seguir avanzando, ponse en marcha a realización dunha enquisa que permita analizar o estado da convivencia e das novas formas nas que se está a desenvolver, como consecuencia do impacto da COVID-19.
A participación da comunidade educativa nesta enquisa é fundamental e por iso necesitamos do esforzo e da implicación dos distintos colectivos, por iso desde O IES FARO DAS LÚAS solicitamos a participación das familias.
A enquisa estará operativa desde o 12 de abril ao 29 de abril de 2021 (ambos dous días incluídos).

Para acceder á enquisa das familias pinche aquí.

Grazas de antemán pola vosa colaboración.

CHARLA SOBRE HÁBITOS SAUDABLES

Mér, 2021-04-14 20:30

O noso alumnado de 4ºESO asistiu a dúas charlas sobre hábitos de vida saudable impartida polo persoal sanitario do centro de saúde de Vilanova, nas cales se trataron tema de especial importancia para os nosos adolescentes. Na primeira sesión fixeron fincapé na necesidade de ter uns bos hábitos alimenticios (seguir unha dieta equilibrada, practicar actividade física ... ) e unha sexualidade segura e sen riscos.

Na segunda sesión, impartida hoxe, abordaron o tema das adiccións a substancias como o alcohol, tabaco, hachís e outras drogas e a súa repercusión na saúde física e mental.

Para finalizar, resaltaron a incidencia que están tendo as adiccións aos videoxogos e ás apostas online, potenciado o seu consumo nesta etapa Covid.

INFORMACIÓN PROBAS COVID

Mar, 2021-04-13 11:54

INFORMACIÓN PROBAS DETECCIÓN COVID ALUMNADO MENOR DE IDADE

Informamos ao alumnado e as familias sobre a existencia dun programa, coa colaboración das oficinas de farmacia da provincia de Pontevedra, para a detección de SARS-CoV-2 con mostra de saliva en poboación asintomática de 12 a 17 anos. Poderán asistir á súa farmacia de referencia onde lles informarán sobre o procedemento de toma de mostra e lles proporcionarán o tubo de recollida.

Ademais, o Colexio de Farmacéuticos de Pontevedra remitiu aos centros unha carta onde se detallan as pautas a seguir neste proceso de cribado para os menore de idade. Para máis información pincha aquí.

CANCELACIÓN DO CRIBADO COVID

Lun, 2021-04-12 13:06

Acabamos de recibir a información de que o Sergas non realizará cribado no centro. A única información que nos facilitou a Xefatura territorial é que para o alumnado entre 12 e 18 anos, as PCR poderán facerse de forma gratuita nas farmacias da localidade durante esta semana. Sentimos non poder dar máis datos ao respecto e as molestias ocasionadas por estas informacións contraditorias que son totalmente alleas ao centro.