DÍA INTERNACIONAL DA ELIMINACIÓN DA VIOLENCIA CONTRA A MULLER. ACTO NA DELEGACIÓN DO GOBERNO A CORUÑA.
Hoxe 16 de novembro de 2021 o alumnado de 1ºC de Bacharelato acompañado pola Directora Isabel Ruso, a Coordinadora de Bacharelato Beni Vidal e a súa titora Lisi Prado, foi convidado á Delegación do Goberno para realizar unha lectura dos relatos de Emilia Pardo Bazán, El indulto e Las medias rojas dentro dos actos que se están a realizar por mor do Día Internacional da Eliminación da Violencia contra a Muller.
Ao acto, presidido pola subdelegada do goberno dona María Rivas, asistiu a actual Condesa de Pardo Bazán, dona Carmen Colmeiro e a profesora da USC dona Cristina Patiño, estudosa da obra da Condesa, da que fixo unha semblanza do seu papel na literatura, recoñecendo que foi un quebraondas co que ían chocar todos os prexuízos machistas da época, adiantándose ao seu tempo, poñendo de manifesto a ansia de independencia da muller.
Os relatos lidos por Carla Dopazo, Hugo Herrador, Sofía Ameijeira e Sol Davó (cunha dicción e un sentimento admirables) son boa mostra do pulso diario da vida en Galicia que tiña dona Emilia, atenta sempre aos sentimientos e emocións das mulleres do seu tempo. Medo, medo e medo é o que senten as protagonistas dos relatos, Antonia e Ildara que representan á muller sometida que non quería a escritora nin queremos nós.
