Clubs de lectura curso 22-23

LIBROS ABERTOS, o club de lectura do instituto, bota a andar un curso máis. Este ano comezamos con novos azos e con nada menos que sete clubs no Eusebio da Guarda. Botade unha ollada ao noso blog https://librosabertos.blogspot.com e se vos presta, achegádevos aos nosos clubs de lectura, diversos como diversas son as nosas afeccións, intereses e gustos. Animádevos a participar!

• 1º ESO, club de lectura en lingua galega, profesora Sabela Prieto González (Departamento de Lingua Castelá e Literatura). Baixo os lemas: “Contra toda discriminación” e “Mulleres na nosa historia”.
• 2º ESO, club de lectura en lingua galega, profesoras Vitoria Sánchez Regueiro (Lingua e Literatura Galegas), Eva Fernández Sieira (Lingua Castelá e Literatura) e Belén Sotelo García (Xeografía e Historia). Baixo os lemas: “Contra toda discriminación” e “Mulleres na nosa historia”.
• 3º ESO, club de lectura en lingua francesa, profesora Mª José Barreiro López (Lingua Francesa). Baixo o lema “Au bonheur de lire”.
• 4º ESO, 1º e 2º Bacharelato, club de lectura en galego, profesora Dulce Fernández Graña (Lingua e Literatura Galegas). Aberto á participación de adultos, profesorado, PAS e familias. Baixo o lema “Racha cos prexuízos, proba en galego”.
• 1º BACH, club de lectura de Ciencias, profesor Manuel Varela Domínguez (Bioloxía).
• ESO, club de lectura para alumnado con NEE e inmigrante, profesora Maite Reigosa Fernández (Orientación Educativa).
• 1º e 2º Bacharelato, ciclos FP, ESA (quenda de tarde), club de lectura en lingua francesa e LGBT, profesor François Davo (Lingua Francesa).

                                             Club de lectura Libros abertos, IES P Eusebio da Guarda