Premio ao noso profesor de Tecnoloxía Serxio Gómez Recouso

Serxio Gómez Recouso, profesor de Tecnoloxía e TIC do IES Eusebio da Guarda, recibe a peonza de Bronce da XVI edición do premio Espiral na categoría de Contornas Virtuais e Metaverso na gala celebrada en Madrid o sábado 12 de novembro de 2022.

Este é un premio moi especial que recoñece as experiencias educativas máis destacadas no ámbito da innovación e a personalización da aprendizaxe no cal participaron docentes de primaria, secundaria e Universidade tanto en España como de América Latina.

O docente emocionado dedicou o premio ao seu alumnado e lembrou o impacto que lle causou un deles, no seu primeiro ano de docencia cando lle dixo: "Profe, é  a primeira vez que aprendo algo" e desdibuxou as liñas do mestre que lle gustaría ser: demostrar ao alumnado que nos importa, crer firmemente neles, potenciar a creatividade, xerar curiosidade por aprender e axudar ao alumnado a descubrir os seus talentos, xa que absolutamente todos teñen talentos incribles e superpoderes para poder cambiar e mollorar o mundo, e por desgraza non o saben.