Anuncios

23 de SETEMBRO

DÍA DE PRESENTACIÓN

1º ESO, 2º ESO e 1º BACHARELATO

Para realizar a presentación do primeiro día se atenderá ao seguinte procedemento:

I. AVISOS DE SEGURIDADE

1. Na páxina web publicaremos hoxe as listaxes cos nomes codificados do alumnado de 1º ESO e 2º ESO para que se saiba que curso lle corresponde a cada rapaz

2. O alumnado DEBERÁ ACCEDER A PÉ E UNICAMENTE POLA CANCELA DA RÚA ALEXANDER VON HUMBOLDT (fronte ao Bar Paradiñas).

3. O acceso ao aparcadoiro das familias e dos vehículos alleos aos centros de ensino NON ESTARÁ PERMITIDO

4. O acceso pola porta central do aparcadoiro É EXCLUSIVO PARA ALUMNADO DE PRIMARIA DO CEIP ALBORADA E NON PODERÁ SER UTILIZADO EN NINGÚN CASO

II. ENTRADA DO ALUMNADO

1. Segundo sexa a hora de entrada correspondente a cada nivel convocado, abrirase a cancela de entrada para que os grupos vaian pasando ao porche do centro.

2. O alumnado entrará ordeadamente pola cancela da Rúa Alexander von Humboldt, unha vez que se abra, á zona do porche que lle estará reservada, colocándose en fila no espazo reservado para o seu grupo (as zonas estarán indicadas cun cartel e co/a profesor/a titor/a de cada grupo presente para controlar o espazo)

3. Unha vez que sexa a súa hora de entrada (2º ESO, 09:20/ 1º BACH, 10:00/ 1º ESO, 11:30), os grupos irán pasando por turno ao interior do edificio pola porta que lles estará asignada durante todo o curso:

a) 2º ESO: cancela lateral do edificio con acceso á porta do soto
b) 1º ESO: porta principal de cristal dereita
c) 1º Bacharelato: cancela lateral do edificio con acceso á porta do soto

3. IMPORTANTE: Por razóns de seguridade, a cancela de entrada pecharase ás 09:30 horas. O alumnado que chegue tarde, non poderá incorporarse á presentación.

4. O alumnado debe traer material de escritura (boli, libreta) e dúas mascarillas (unha posta e outra de reposto)

PARADAS DO TRANSPORTE ESCOLAR PARA O DÍA 23 DE SETEMBRO

LIÑAS E PARADAS DE TRANSPORTE
SERVIZO DE TRANSPORTE DA CONSELLERÍA

MOI IMPORTANTE:
O HORARIO DE SAÍDAS DAS PARADAS É APROXIMADO

CÓMPRE ESTAR CON ANTELACIÓN NAS PARADAS

1. O alumnado de Bacharelato non ten dereito a transporte escolar

2. O alumnado debe utilizar exclusivamente a parada que solicitou no momento de matricularse

*     *    *

GRUPO 1 (2º ESO, Entrada ás 09:20 horas)

GRUPO 2 (1º ESO, Entrada ás 11:30 horas)

RICARDO MARTÍN, EXCATEDRÁTICO DE LINGUA LATINA DO IES ELVIÑA, CONDECORADO POLA SÚA APORTACIÓN Á CULTURA E Á DOCENCIA

     Os que estudaron hai tempo no IES Elviña (mesmo cando aínda era o Instituto de Bachillerato de Elviña) coñecerán de seguro a Ricardo, o esixente catedrático de latín (toto notus in "elvinense" orbe), o fundador e director do grupo de teatro Sardiña, durante moitos anos o mellor grupo escolar especializado en teatro clásico latino de España. Home entregado á lingua do Lacio, nai nutricia de canto en Occidente pode chamarse cultura (aínda neste tempo, cando anda tan deturpada), Jesús Ricardo Martín formou parte do claustro de Elviña case desde a fundación do instituto ata os días da súa xubilación no ano 2012, máis de trinta anos dunha vida enteiramente adicada á educación e ao teatro. Non hai moito, adicábamos na nosa web unha amable entrada sobre a celebración do Día da Romanidade na nosa cidade, na que o antigo catedrático do noso centro, participou rememorando con humor os costumes da Antigüidade.

      Lembrar a Ricardo nesta precisa xornada (e mesmo en calquera outra) é non só unha agradable obriga senon tamén un necesario pracer e un motivo de respectuoso orgullo, pois ven de recibir, outorgada polo rey Felipe VI, de mans de dona Isabel Celáa, actual Ministra de educación en funcións, a Cruz da Orde civil de Alfonso X "el Sabio", polo seu dilatado labor (non rematado aínda!) no eido da cultura clásica e da educación. Ben merecidas son todas as homenaxes que veñen por tan nobre esforzo. Estas breves liñas sexan a do IES Elviña para un antigo compañeiro.

Ave, magister!

     Este mércores día 8 de maio o director e máis o vicedirector do IES Plurilingüe Elviña foron invitados polo Centro Autonómico de Formación e Innovación (CAFI) como relatores dentro das xornadas de formación para equipos directivos que se están a desenvolver en Santiago de Compostela, en concreto dentro do Programa de formación continua para vicedirectores e vicedirectoras (Actividade G1801055). O relatorio que expuxeron nas sedes do Centro de Formación levaba por título "O papel da Vicedirección na organización da actividade do centro: a experiencia do IES Elviña".
      O feito de compartir con outros e outras colegas de centros de ensino de toda Galicia as nosas inquedanzas sobre a función vicedirectiva resultou unha experiencia gratificante e moi enriquecedora. Un saúdo desde a nosa páxina web a todos e todas os/as presentes na charla, co noso agradecemento pola atención que nos adicaron e pola cortesía coa que compartiron o café da media mañá.

[Como pode comprobarse, ao vicedirector do IES Elviña non lle importou posar para a ocasión...]