Anuncios

CONVOCATORIA DE PREMIOS EXTRAORDINARIOS DE BACHARELATO PARA O PRESENTE CURSO

     O pasado 11 de abril publicouse no DOG a Orde do 28 de marzo pola que se convocan os premios extraordinarios de Bacharelato correspondentes ao curso 2018/19. O artigo 4 desta orde especifica o prazo de presentación de solicitudes entre o día 29 de abril e o 28 de maio. As solicitudes deberán entregarse en algún dos rexistros oficiais indicados na Orde preferentemente a través da Sede electrónica.
     A data das probas para a obtención do Premio extraordinario serán o día 27 de xuño.

Eurolingua Venairlanda convoca bolsas de axuda para a realización de Cursos de Inglés en Irlanda de dúas semanas de duración durante o verán nun programa de inmersión con todos os gastos incluídos. Trátase dun total de 20 bolsas dirixidas a alumnado de secundaria, bacharelato ou FP. O prazo de solicitude remata o día 17 de abril. Pódese atopar más información nos enlace do Portal educativo da Xunta de Galicia.

Informamos da interesante oferta de actividades e programas educativos vinculados ao Centro cívico de Elviña:

a. Programa NOCTURNIA: amplísimo abanico de actividades de todo tipo do Programa Nocturnia do Servizo de Educación do Concello da Coruña dirixidos a xóvenes de entre 12 e 30 anos.

b. Programa POTÉNCIATE de apoio educativo para alumnado con dificultades en Ciencias: programa de clases de apoio en contidos de ciencias impartidas por profesionais nos diversos Centros cívicos da cidade. Toda a información na páxina web do Servizo de Educación do Concello.

c. Programa PARENTALIDADE POSITIVA da Concellería de Servizos Sociais: plan de obradoiros destinados a pais, nais e responsables legais con adolescentes ao seu cargo. Información neste cartaz.